Yntymaqtyń uıytqysy bola bereıik

Beısenbi, 18 qazan 2012 7:41

Zamana aǵymymen ata-baba­la­ry­myz taǵdyr taýqymetin tarta rep­ressııa jyldary Jetisý jerine jetip, turaqtap qalypty. Qazaq hal­qynyń bizdiń babalarymyzǵa úlken túsinistikpen qarap, irgelerinen jer bólip berip, tirshilik etýlerine múmkindik týǵyzǵanyna ata-babala­rymyzdyń rahmetterin jaý­dyryp otyrǵanyn san ret estigenbiz.

Beısenbi, 18 qazan 2012 7:41

Zamana aǵymymen ata-baba­la­ry­myz taǵdyr taýqymetin tarta rep­ressııa jyldary Jetisý jerine jetip, turaqtap qalypty. Qazaq hal­qynyń bizdiń babalarymyzǵa úlken túsinistikpen qarap, irgelerinen jer bólip berip, tirshilik etýlerine múmkindik týǵyzǵanyna ata-babala­rymyzdyń rahmetterin jaý­dyryp otyrǵanyn san ret estigenbiz.

Búgingi urpaqtyń, naqtylaı tús­sem, meniń qandastarym – káris­ter­diń de qazaqtarǵa  aıtary tek al­ǵys. Sol qamqorlyqty jete túsin­gen atalarymyz qazaqtarǵa adaldyq tanytýmen shektelmeı, jaqsylyqqa jaqsylyqpen jaýap qaıtarý úshin jer tyrmalap eńbek etken. Shyny kerek, kókónis ónimderi, onyń ishinde pııaz ósirýde, jalpy san túrli kókónisterden ashy-tushy salat má­zirlerin jasaýda kárister óte sheber halyq. Olardyń qolynan shyqqan dám ózindik ereksheligimen dara­la­natyny taǵy anyq. Sonymen, Jetisý jerinde kárister qazaqtarǵa adal eńbekterimen jaǵyp, etene ara­la­syp, Qazaqstan atty ortaq úıimizdiń keregesi keń, bosaǵasy berik, sha­ńy­raǵy bıik bolýyna quddy qarly­ǵashtyń qanatymen sý sepkendeı septigin tıgizýge talpynýda. Sol úrdisten búgingi urpaq ta tynbaı eń­bek etýde.

Elbasynyń Jalpyǵa Ortaq Eń­bek Qoǵamyna qaraı 20 qadam atty maqalasyn biz – kárister de jı­na­lyp otyryp oqyp talqyla­ǵany­myzda, onda aıtylǵan máseleler kóńilimizdegi kóp jaıdy dóp basty. О́ıtkeni, meniń qandastarymnyń ba­sym bóligi  aýyldas qazaq­tary­men birge alqaptarda eńbek kórigin qyz­dyryp júrgen jandar ǵoı. Mine, kúzgi jıyn-terin jumystary da aıaqtalyp qaldy. Erte kóktemnen bastap ala jazdaı etken eńbektiń jemisin kórýdemiz. Berekesin berse, bıyl Jetisý óńirinde ónim túsimi jaqsy boldy. Bile bilsek, bul da yntymaqpen istelgen jumystyń nátıjesi. Qazaqta «Yrys aldy – yntymaq» degen ataly sóz bar. О́z basym osy danalyqqa bas ıemin. Baýyrlaryma da udaıy aıtyp, jaqsy sózdiń mánin uǵynyp, jete túsinýlerin talap etemin. Ondaǵy oıym – atalarymyzdan kele jatqan jaqsy ádet qazaq baýyrlarmen syılasyp, yntymaqty uıyta túsý. Odan biz utpasaq, utylmaımyz. Eń bastysy – jaqsylyqqa jaqsylyq jasaýdy jalǵastyra beremiz.

Qoryta aıtqanda, Almaty ob­lysynda turatyn 103 etnos ókiline osy tatýlyǵymyzdan tanbaı, ynty­maqtyń uıytqysy bola bilsek, keıingi urpaqtan tek alǵys qana estip, shadyman shattyqqa bólenip júre bererimiz haq. О́ıtkeni, biz qazaq halqymen birgemiz, taǵdyrymyz Qa­zaqstanmen ortaq.

Sóz sońynda aıtarym, qadir­men­di musylman qaýym, sizderdi káris halqynyń atynan aldaǵy Qurban aıt meıramymen quttyqtaımyn!

Vladımır LI,

Almaty oblystyq Qazaqstan halqy Assambleıasy

tóraǵasynyń qoǵamdyq negizdegi orynbasary.

Almaty oblysy.