Aımaqtar • 22 Qańtar, 2020

Baıanaýylǵa barǵan túıe batystyki me?!

3195 ret kórsetildi

Áleýmettik jeli arqyly taraǵan: «Pavlodar jaqtan ıesiz túıeler tabylypty», «Býra bastaǵan bir top túıe Baıanaýylǵa kelip toqtapty. Ieleri joq eken!» degen habar túıesi joq adamdardyń ózin eleń etkizdi.

«Myna túıeler Baıanaýylda, bizdiń jaılaýymyzdyń janynda bir aıdan beri júr. Mal Qazaqstannyń batysy jaǵynan kelgen degen sózder shyǵyp jatyr. Rasymen solaı bolar. Sebebi, bizdiń óńirde túıe maly atymen joq. Jigitter «obal ǵoı» dep shóbin berip jatyr. Túıelerdiń «O» degen tańbasy bar. Joǵaltqan bireý bar ǵoı, ne bolsa da» deıdi er adam daýysy Whats App arqyly kelgen dybystyq habarlamada.

2014 jyldyń qarashasynda Batys Qazaqstan oblysy Syrym aýdanyna qarasty Qosoba aýylynyń turǵyny Qatiren Baınııazovtyń jaıylymda júrgen túıeleri joǵalǵan edi. Atpen, motosıklmen, kólikpen izdedi. Qosoba men Taıpaqtyń arasyn bylaı qoıǵanda, Aqtóbeniń Qobdasyn, tipti Atyraý men Aqtaýǵa deıin bardy. Aıaǵy jetpegen jerge habar saldy. Izim-ǵaıym joq. Pavlodardaǵy túıeler jaıly estigende «Meniń túıelerim bolyp júrmesin!» dep oılaǵany da jasyryn emes.

- Jeti atamyzdan beri túıe baǵamyz. Ol janýardyń bir qasıeti – óziniń jaıylymynan kóp uzamaıdy. Meniń túıelerim de Jetikólge, Saıqudyqqa deıin baryp jaıylyp, úsh kún, ári ketse on kúnnen keıin Qosobanyń dalasyna qaıtyp kelip júrdi. Joǵalǵanynan-aq qoldy boldy-aý dep oıladym, - deıdi Qatiren aǵaı.

Joǵarydaǵy habardy estı salysymen, joqshy Baıanaýyldaǵy jigitterge habarlasypty. Ol jaqqa barǵan túıe 14 bas eken. Qosoba men Pavlodardyń arasy 2300 shaqyrymdaı.

- Shamasy, túıeler urlanyp, keıin ózderi soltústik asyp ketip tur. Meniń malymda «O» degen tańba bolatyn. Jigitter ondaı jazýdyń baryn rastady. О́zim salǵan en bolatyn, ol da dál kelip tur. Jaqynyraq baryp sýretke túsirý qıyn eken, býra jolatpaıtyn kórinedi. Baǵý kórmeı betimen júrgesin, jabaıy bolyp ta ketken shyǵar. Árıne, barlyq túıe meniki deýden aýlaqpyn. Ákem «Bireýdiń ala jibin attama!» dep úıretken. Artyq oljadan dámetpeımin, maǵan ózimniń malym buıyrsa boldy. Eki túıemniń minezin bilemin. Sol arqyly anyqtap alar edim, - deıdi Qatiren aǵaı.

Baıanaýyldaǵy túıeler týraly habardyń rastyǵyn óz qulaǵymyzben estimek bolyp, nómirin taýyp, joǵarydaǵy habardy taratqan adamnyń ózimen baılanysqa shyqtyq. Iesiz maldy kórip, eldi qulaqtandyrǵan musylman – Aımuhamed Molshın degen azamat eken.

- Túıeler sharýashylyǵymyzdyń mańynda júrgenine bir aıdaı boldy. Iesiz mal bolmaıdy ǵoı. Bul túıelerdiń ıesi bar, izdep jatqan shyǵar dep oıladyq. О́zimiz de mal ósirip otyrǵan sharýamyz, joǵaltqannyń zardabyn bilemiz. Bireýler ıemdenip keter dep, qasymyzdaǵy jigitterdiń qojalyǵyna turaqtattyq. Polısııaǵa habar berdik, óz kúshimizben áleýmettik jeli arqyly da jarııa salýdamyz. Túıeler qazir Pavlodar oblysy Baıanaýyl aýdany Sultanmahmut Toraıǵyrov aýylyna qarasty Maıqaıyń eldi mekeniniń mańynda tur, - dedi bizge «Saryjaılaý CAPITAL» sharýa qojalyǵynyń basshysy Aımuhamed Molshın.

Jańalyqty estigen belgili aqyn, jýrnalıst, qosobalyq Baýyrjan Halıolla «Jaıaý Musanyń eline «jaıaý barǵan» túıeler shynymen de meniń «aýyldastarym» bolsa, qyzyqtyń kókesi osy emes pe?» dep tańdanys bildirdi óziniń Facebok-tegi paraqshasynda. Al Qatiren aǵamyz Allanyń qalaýymen bes jyl degende túıelerim tabyldy dep boljap otyr. Qys bitpeı, aıaqtaı baryp, kórip, tanyp kelý de oıynda bar. Iá, túıeler Qatiren aǵaıdyń maly bolyp shyǵa ma, joq pa, áńgime onda emes. Osy oqıǵa bizge qazaqtyń adaldyǵyn, ımandylyǵyn taǵy bir dáleldegendeı. Aımuhamed sııaqty ańqyldaǵan baıanaýyldyq jigitterdiń isi kóp qazaqqa úlgi bolsa eken!

Baýyrjan ShIRMEDINULY,

Batys Qazaqstan

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Uqsas jańalyqtar