Ol qarajattyń 3,8 mlrd teńgesi aqyly avtomobıl joldaryn, 1,6 mlrd teńgesi tólem alý júıesin kútip ustaý is-sharalaryna jumsaldy.
2018 jyldyń sáıkes kezeńimen salystyrǵanda, ótken jyly aqyly joldardan 3,5 esege artyq qarajat tústi. О́ıtkeni arǵy jyly Qazaqstanda «Nur-Sultan – Shýchınsk» joly ǵana aqyly bolatyn. Jyl saıyn bul joldan túsken túsim kólemi 1,5 mlrd teńgeni qurady. Búgingi tańda eldegi aqyly joldardyń jalpy uzaqtyǵy – 682 shaqyrym.
2019 jyldyń jeltoqsanynda ınvestısııalyq konkýrstyń qorytyndylary boıynsha Konsorsıýmmen joldardyń 11 myń shaqyrymynda tólem alý júıesin ornatý jáne ony kútip ustaý týraly qujatqa qol qoıyldy. Kelisimge sáıkes bıyl qaıta qurylymdaýdan ótken 5,7 myń shaqyrymdyq jol ýchaskelerinde tólem alý júıesi ornatylady dep josparlanyp otyr. Joldardyń qalǵan 5,3 myń shaqyrymy 2024 jylǵa deıin qaıta qurylymdaý is-sharalarynyń aıaqtalý merzimine baılanysty aqyly bolmaq.
Aqyly joldar júıesin engizý arqyly sol joldardyń kútimine bıýdjetten qarajat bólinbeıtin boldy. Iаǵnı, barlyq shyǵyn jınalǵan qarajat esebinen qamtamasyz etiledi.
