Atyraý oblysynyń ákimdigi jańa ıdeıany qoldady. Al ony «Qazaqstan» RTRK» AQ Atyraý fılıaly usyndy. Ideıa degende ult tarıhynyń munaıly óńir aýmaǵyndaǵy qundylyqtaryn jurtshylyqqa tereńirek jetkizýdi kózdegen «Hazardan –Qazaqqa deıin» atty jańa teleekspedısııany aıtyp otyrmyz.
Atyraý oblysynyń ákimdigi jańa ıdeıany qoldady. Al ony «Qazaqstan» RTRK» AQ Atyraý fılıaly usyndy. Ideıa degende ult tarıhynyń munaıly óńir aýmaǵyndaǵy qundylyqtaryn jurtshylyqqa tereńirek jetkizýdi kózdegen «Hazardan –Qazaqqa deıin» atty jańa teleekspedısııany aıtyp otyrmyz.
– Munyń maqsaty – dedi oblys ákiminiń orynbasary Shyńǵys Muqan teleekspedısııany alǵashqy saparǵa shyǵaryp salý rásiminde, – qansha ǵasyr ótse de mańyzdylyǵyn joımaıtyn tarıhtyń kýási – Uly Jibek jolyn negizge ala otyryp, Atyraý oblysy óńirindegi tarıhı-mádenı muralarǵa saıahat jasaý. Aımaqtyń tarıhı-mádenı murasyn qorǵaý, qalpyna keltirý jáne paıdalaný jónindegi memlekettik ınspeksııanyń málimetterine súıensek, búginde oblys boıynsha 313 tarıhı-mádenı eskertkish, 525 mádenı nysan tirkelgen. Týǵan ólkemizdiń baǵa jetpes jádigerleri ólketanýshy, arheolog, tarıhshylar men jýrnalısterdiń derekteri arqyly qalyń jurtshylyqqa jetkizilmek.
Maqat aýdanynan bastaý alatyn alǵashqy sapar Jylyoı, Qyzylqoǵa, Inder aýdandarynda jalǵasyn tappaq. Sonan soń, Atyraý qalasy men Mahambet, Isataı, Qurmanǵazy aýdandarynyń eldi mekenderinde jalǵastyrý kózdelip otyr. «Tarıhı-mádenı eskertkishter jyl saıyn jańadan anyqtalyp jatyr. Arheologııalyq eskertkishterdi áli de tereńirek zerttep, memlekettik tizimge engizemiz degen josparymyz bar», deıdi tarıhı-mádenı murany qorǵaý, qalpyna keltirý jáne paıdalaný jónindegi memlekettik ınspeksııanyń basshysy Ǵalymjan Ysqaqov.
Atyraý óńiri tek munaıymen ǵana tanymal emes. Uly Jibek jolyndaǵy batys ólkelerdiń kindigi, qazaq handyǵynyń tuńǵysh astanasy Saraıshyq shahary da osy óńirde ornalasqany barshaǵa belgili. Sonymen birge, Asan Qaıǵy saldyrǵan delinetin Qorǵansha qalasy, altyn adam tabylǵan Araltóbe qorymy sekildi ejelgi tarıhı jádigerge aınalǵan mekender bar. Jońǵar-qalmaq shapqynshylyǵy, Isataı-Mahambet bastaǵan ult azattyq kóterilisiniń shejireli tarıhynan syr shertetin tarıhı oryndar da kóp. Demek, osynyń bári ult tarıhynyń qundylyǵy retinde keńinen nasıhattalyp, keıingi urpaqqa shashaýsyz jetkizilýi tıis.
Teleekspedısııa quramynda 12 adamnan turatyn kásibı telejýrnalıstıka maıtalmandary men arheologtar, tarıhshylar jáne ólketanýshylar bar. Onyń quramyndaǵy top jetekshileriniń biri, «Qazaqstan» RTRK» AQ Atyraý fılıalynyń redaktory E.Esmuratovanyń aıtýynsha, teleekspedısııa qorytyndysymen munaıly óńirdegi jańa joba –10 bólimnen turatyn derekti fılm túsirilip, arnaıy kitap shyǵarylmaq.
Joldasbek ShО́PEǴUL,
«Egemen Qazaqstan».
Atyraý oblysy.
Sýretti túsirgen
Rahym QOILYBAEV.
