«Egemen Qazaqstan» gazetiniń 2013 jylǵy 5 maýsym kúngi sanyndaǵy Oralhan Dáýittiń «Oq atqan kim?» atty maqalasy Ońtústik Qazaqstan oblystyq prokýratýrasynda qaraldy.
«Egemen Qazaqstan» gazetiniń 2013 jylǵy 5 maýsym kúngi sanyndaǵy Oralhan Dáýittiń «Oq atqan kim?» atty maqalasy Ońtústik Qazaqstan oblystyq prokýratýrasynda qaraldy.
Maqalada kórsetilgen mán-jaılardy tekserý kezinde anyqtalǵany, 3 mamyr 2013 jyly saǵat 18:00 shamasynda Túrkistan qalalyq ishki ister basqarmasynyń kezekshi bólimine Túrkistan qalasy «Talǵat ı K» klınıkasynan Túrkistan qalasy, Bekzat m/a, Jáńgirhan kóshesi, 98-úı turǵyny N.Syzdyqov «sol kózimen sol qolynyń shyntaq tusynan ot qarýynan alǵan jaraqaty, II-III dárejedegi travmatıkalyq shok» dıagnozymen túskeni jaıly habarlama berilgen.
Atalǵan dene jaraqatyn N.Syzdyqovqa belgisiz azamattar Túrkistan qalasy, S.Erýbaev kóshesi №16-úıdiń tusynda belgisiz atys qarýymen sol kúni saǵat 17:20 kezinde salǵany anyqtalǵan.
Osy oqıǵa boıynsha Túrkistan KIIB belgisiz azamattarǵa qarsy Qylmystyq kodekstiń 24-babynyń 3-bóligi, 96-babynyń 2-bóligi «ı» tarmaǵymen qylmystyq is qozǵaǵan, ıaǵnı «buzaqylyq nıetpen bóten adamǵa qasaqana qaza keltirýge oqtalyp, óz qylmystyq is áreketterin ózine baılanysty emes sebeptermen aqyryna deıin jetkize almaǵan».
7 mamyr kúni osy qylmystyq is boıynsha kúdikti retinde aýdandyq sottyń qaýlysymen T.Tańatovqa bultartpaý sharasy – qamaýǵa alý qoldanylǵan.
Aýdan prokýratýrasy tarapynan qylmystyq is boıynsha tergeý amaldarynyń jan-jaqty jáne obektıvti túrde júrgizilýin jáne aıyptalýshy T.Tańatovtyń ata-anasy tarapynan jazǵan aryzdaryndaǵy kórsetilgen ýájderin tergeý barysynda tolyq tekserilýin qamtamasyz etý týraly jazbasha nusqaý berilgen.
Qazirgi tańda osy qylmysqa kúdikti T.Tańatovtyń qasynda bolǵan basqa da azamattardy anyqtap, olardy ustaýǵa baǵyttalǵan jedel-tergeý amaldary júrgizilýde, onyń barysy oblys prokýratýrasy tarapynan baqylaýǵa alyndy».
Á.QOJAHMETOV,
Ońtústik Qazaqstan oblystyq prokýrorynyń orynbasary.
