Ramazan aıy aıaqtalatyn kezde Irakta qandy oqıǵalar kóbeıip ketti. Bul týraly «Eýronıýs» telearnasy habarlady.
Keshe, senbi kúni eldiń astanasy – Baǵdat qalasynda 8 terakt jasalyp, 50 shaqty adam qaza tapqan. Irak astanasynyń shııter kóp ornalasqan aımaqtarynda bir mezette ár jerde jarylys bolǵan.
AFP agenttiginiń habarlaýynsha, tek oraza kezinde 800-den astam adam lańkestikten kóz jumǵan.
Sonymen birge, Iraktyń soltústigindegi Týz Hýrmatý qalasynda jarylǵysh qoıylǵan kóliktiń kúli kókke ushyp, 10 adam oqıǵa ornynda qaza taýyp, 25 turǵyn jaraqat alǵan.
Murat Aıtqoja.
