Jasy 4-tegi Bobbı Taftsa AQSh-tyń Mınnesota shtatyndaǵy Doset atty shaǵyn qalanyń meri bolyp saılandy. Bul týraly búgin Planeta-Novosti.At.UA habarlady.
Dorset – úkimettiń resmı esebinde joq qala. Demek, onyń meri de shyn máninde resmı ýákildikke ıe emes. Ol tirkelgen kúninen bastap-aq ondaı quqyqqa ıe bola almaıdy.
Qazirgi tańda bul shaǵyn aýmaqta 28 adam turyp jatyr.
Munda daýys berý quqyǵy jas balalarǵa da op-ońaı berile salady. Al Taftsta qalashyq meri degen mártebege talasýshy jalǵyz bala bolǵan joq. Bul jerde budan birneshe jyl buryn merlikke talasýshy kandıdattardyń arasynda tipti ıt te bolypty.
Saılaý kezinde qalashyqtaǵy saılaýshylardyń qansha ret aınalyp kelip daýys beremin dese de quqyqtary bar. Tek árbir kelgenderinde 1 dollardan aqsha tólep turady. Sodan keıin ǵana bıýlletendi jáshikke sala alady.
Osylaısha qalashyqtyń kelesi jolǵy meri kim bolatyny anyqtalady. Eshqandaı ýákilettigi, soǵan oraı eshbir jaýapkershiligi joq qala basshysy laýazymyn Taftsa osymen qatarynan ekinshi ret jeńip alyp otyr.
Al saılaý jyl saıyn ótkizilip turady.
Murat Aıtqoja.
