Shyǵys Qazaqstan oblysy Besqaraǵaı aýdanynyń polıseıleri bir baqtashy jigitti óltirgen baqtashy áıeldi oqıǵanyń izin sýytpaı qolǵa túsirdi. Bul týraly Altaynews.kz tilshisi habarlady.
Qaıǵyly oqıǵa tamyzdyń 7-si kúni shamamen saǵat 16:00-de bolǵan. Eki baqtashynyń birge araq ishýleriniń sońy osyndaı qylmysqa aparyp jetkizgen.
Sharýa qojalyǵynyń 55 jastaǵy ıesi óz baqtashysynyń óli denesin as úıden kórip qalady. О́likti kórgen boıda ol polısııaǵa habar salady. Aýdandyq ishki ister bólimi tergeý-jedel izdestirý toby qyzmetkerleriniń shuǵyl uıymdastyrǵan jumystarynyń arqasynda qylmysty jasaǵan adam tez arada ustaldy. Ol osy sharýa qojalyǵynda jaldanyp jumys istep júrgen 39 jastaǵy baqtashy áıel bolyp shyqty.
Anyqtalǵandaı, oqıǵa ekeýiniń as úıde túski tamaqtaný kezinde birlesip araq ishýlerinen keıin órbigen. Qyzyp qalǵan bular aldymen sózben ilinisedi. Al sońy tikeleı tóbeleske ulasyp ketedi. Sol arpalystyń ústinde áıeldiń qolyna as úı pyshaǵy ilinip, ol sonymen 40 jasar erkektiń keýde tusynan urady. Osy alǵan jaraqaty saldarynan jigit oqıǵa bolǵan jerde jan-tásilim etedi.
Qazir polıseıler qylmysty áıeldi ýaqytsha ustaý oqshaýlaǵyshyna otyrǵyzyp qoıdy. Oǵan Qylmystyq kodkstiń 96-baby 1-bóligimen aıyp taǵylmaqshy.
Qurysh Nurymbet.
