Shyǵys Qazaqstan oblysynyń Zyrıan aýdanyndaǵy «Dorodnısa» sharýa qojalyǵynyń jaıylymynda jaıylyp júrgen maldarǵa shapqan aıý tórt sıyrdy jaryp ketken. Bul týraly Altaynews.kz habarlady.
Agenttik tilshisi munyń sharýashylyqty kem degende 500 myń teńgeniń shyǵynyna otyrǵyzyp ketkenin jazady. Osyǵan baılanysty qojalyq basshysy Alekseı Polıanskıı aýdandyq aýyl sharýashylyǵy jáne veterınarııa bóliminen týyndap otyrǵan problemany sheship berýdi ótinip, járdem surady. Al bólim dál sondaı ótinishti birden oblystyq orman jáne ań sharýashylyǵyna joldady. Mamandar aýdandyq ańshylar jáne balyqshylar odaǵy basqarmasynyń tóraǵasy Aleksandr Ganany da kómekke shaqyrdy.
Jalpy, maımaqtardyń bul Zyrıan aýdanynda oınaq salýynyń birinshi oqıǵasy emes eken. Bıylǵy kóktemde ǵana aıýlar Feklıstovkaǵa lap etip kelip, eki qoı men buqany tartyp ketipti. Sol joly mamandar jurttyń qaýipsizdigi úshin jabaıy janýarlardy atý jóninde qaýly qabyldapty. Dál sondaı sheshimniń shyǵarylýyn qazir Dorodnısa turǵyndary da kútip otyr. Sebebi, aıýlar shabýyl jasaǵan jaıylymdyq alqap selodan bar-joǵy 18 shaqyrym jerde tur.
Sultan Bozaıǵyr.
