Búgin Ońtústik Qazaqstan oblysynyń ortalyǵy – Shymkent qalasynda Shámshi Qaldyaıaqovqa arnalǵan «Arys jaǵasynda» atty IV retrofestıval bastalady. Onyń aıasynda sondaı-aq ataqty sazger ánderin oryndaýshylardyń «Meniń Qazaqstanym» atty oblystyq konkýrsy da ótedi. Bul týraly «Iýjnyı Kazahstan» gazeti habarlady.
Tańerteń festıvalǵa qatysýshylar uly kompozıtordyń ómiri men shyǵarmashylyǵyna qatysty eksponattar qoıylǵan oblystyq murajaıda boldy. Sodan keıin oblystyq fılarmonııa ǵımaratynda bolyp, jýrnalıstermen kezdesti. Al tús qaıta konkýrsqa qatysýshylardyń jerebesi ótedi. Keshke qaraı qaladaǵy «Shámshi álemi» skverinde jergilikti ánshilerdiń jáne retrofestıvalge kelgen qonaqtardyń oryndaýlaryndaǵy án men kúıge kezek beriledi.
Erteń, 15 tamyz kúni oblystyq fılarmonııa úıinde eki týrdan turatyn «Meniń Qazaqstanym» án festıvali qanat jaıady. Ol túske deıingi jáne tústen keıingi kezeńder boıynsha bólinedi. Osy kúni keshke festıval jeńimpazdary men júldegerleriniń qatysýymen gala-konsert kórsetiledi.
Murat Aıtqoja.
