Saılaý aldynda barlyq saıası partııalar halyqqa óz tuǵyrnamasyn jarııalap, saılanǵan jaǵdaıda qandaı ıgilikti ister atqaratynyn usynady. 2011 jylǵy Májilis saılaýynyń aldynda «Nur Otan» HDP óz tuǵyrnamasyn jarııalaǵan bolatyn. Halyq onyń oryndalatynyna senim bildirip, kópshilik daýyspen qoldady. Endi sol ýádelerdiń búgingi kúni Astana qalasynda oryndalýy barysy jóninde partııanyń elordalyq fılıaly tóraǵasynyń birinshi orynbasary Sapar AHMETOVTEN suraǵan edik.
Saılaý aldynda barlyq saıası partııalar halyqqa óz tuǵyrnamasyn jarııalap, saılanǵan jaǵdaıda qandaı ıgilikti ister atqaratynyn usynady. 2011 jylǵy Májilis saılaýynyń aldynda «Nur Otan» HDP óz tuǵyrnamasyn jarııalaǵan bolatyn. Halyq onyń oryndalatynyna senim bildirip, kópshilik daýyspen qoldady. Endi sol ýádelerdiń búgingi kúni Astana qalasynda oryndalýy barysy jóninde partııanyń elordalyq fılıaly tóraǵasynyń birinshi orynbasary Sapar AHMETOVTEN suraǵan edik.
– Búginde Astanada 37 myń nurotandyq bar. Bul – 800 myńdaı turǵyny bar shahar úshin úlken saıası kúsh. Jalpy, qala boıynsha alty fılıalymyz bar. Al «Nur Otan» HDP Astana qalalyq fılıalynyń jumysy óte úlken jaýapkershilikti talap etedi. О́ıtkeni, elimizdiń barlyq aımaqtary el astanasyna qarap boı túzeıtini belgili.
– Sapar Qaıratuly, Partııanyń saılaýaldy tuǵyrnamasy boıynsha qandaı naqty jumystar júrgizilip jatyr.
– Bul jumysty biz partııa Tóraǵasynyń birinshi orynbasary Baýyrjan Baıbektiń 2013 jylǵa bekitken jospary boıynsha júrgizýdemiz. Ústimizdegi jyldyń naýryz aıynda qalalyq máslıhattaǵy «Nur Otan» HDP depýtattyq fraksııasy músheleriniń qatysýymen keńeıtilgen májilis ótkizildi. Májiliste eń aldymen kásipkerlikti damytý jáne astanalyqtardyń «Halyqtyq IRO» baǵdarlamasyna qatysý máselesi qaraldy. Qala turǵyndarynyń arasynda júrgizilgen belsendi jumystardyń nátıjesinde «Transoıl» kompanııasy IRO-synyń 10 paıyzdan astam mólsherin astanalyqtar satyp aldy. Sonymen qatar, osy otyrysta birqatar basqarmalardyń esebi tyńdalyp, ózekti máseleler talqylandy. Oryndy usynystar aıtyldy.
Elimizde qolǵa alynǵan Údemeli ındýstrııalyq-ınnovasııalyq damý baǵdarlamasyn iske asyrý boıynsha arnaıy ekonomıkalyq aımaq jumys isteýde. Osy baǵyt boıynsha atqarylǵan jumystar týraly basqarý dıreksııasynyń basshysy esep berdi. Basqarma qazirgi ýaqytta 46 baǵdarlamany qolǵa alǵan bolsa, sonyń 11-i iske qosylǵan. Al qalǵan baǵdarlamalardyń oryndalý barysy, oǵan quıylatyn ınvestısııa mólsheri, jańa jumys oryndarynyń ashylýy jáne olardyń qala ekonomıkasyna qosatyn úlesi týraly aqparat berilip, naqty qandaı deńgeıde, qansha ýaqytta, qandaı jumystar atqarylatyny jóninde aıtyldy. Sondaı-aq, turǵyn úı baǵdarlamasy boıynsha atqarylǵan jumystar jóninde Energetıka jáne kommýnaldyq júıelerdi damytý men Turǵyn úı ınspeksııasy basqarmasynyń basshylary esep berdi.
Sala jetekshileriniń baıandamasy tyńdalyp qana qoıǵan joq, oǵan kóptegen usynystar da engizildi. Atalǵan máselelerdi júzege asyrý boıynsha arnaýly keste jasalyp, partııa fılıalynyń qadaǵalaýyna alyndy. Jaqyn arada áleýmettik mańyzdy máselelerdi qarastyrý maqsatynda otyrys ótkizý josparlanyp otyr. Bul otyrysta «Qoljetimdi turǵyn-úı-2020» jáne «Jumyspen qamtý-2020» baǵdarlamalarynyń oryndalý barysy tyńdalady.
Áleýmettik máseledegi aldynǵy orynda halyqqa medısınalyq qyzmet kórsetý salasy turady. Sondyqtan osy másele de nazardan tys qalmaı, jaýapty basshylar ózderiniń esepterin beretin bolady. Fraksııa músheleri olardyń aqparattarynyń jobasymen aldyn ala tanysyp, usynystary men keńesterin daıyndaıdy. Bıylǵy jyldyń tórtinshi toqsanynda bilim salasynyń damý baǵyttaryn qarastyrý da kózdelip otyr. Qaladaǵy kóptegen salanyń basshylary «Nur Otannyń» múshesi. Olarǵa partııanyń saılaýshylarǵa ýáde etken tuǵyrnamasynyń oryndalýy mindet etip júktelgen. Sondyqtan bul jumystar partııa tarapynan jiti qadaǵalanýda.
– Halyqpen jumys isteý máseleleri qalaı bolyp jatyr?
– Halyqpen jumys isteý – partııa jumysynyń eń mańyzdy baǵyttarynyń biri. Jýyrda biz óz jumysymyzdyń birinshi jartyjyldyqta atqarylý deńgeıine saraptama jasap, qaladaǵy barlyq fılıal qyzmetine zertteý júrgizgen baqylaý-tekserý komıssııasy qorytyndy aqparat jarııalady. Endi osy sarap
