Bıyl Qazaqstanda 17 mln. tonna astyq jınalady dep kútilip otyr. Aýyl sharýashylyǵy mınıstrligi agroónerkásip kesheni salasyndaǵy memlekettik ınspeksııasy komıtetiniń tóraǵasy Saqtash Hasenovtiń aıtýynsha, jıyn-terim kezinde qıynshylyqtar bolmaýy tıis.
Bıyl Qazaqstanda 17 mln. tonna astyq jınalady dep kútilip otyr. Aýyl sharýashylyǵy mınıstrligi agroónerkásip kesheni salasyndaǵy memlekettik ınspeksııasy komıtetiniń tóraǵasy Saqtash Hasenovtiń aıtýynsha, jıyn-terim kezinde qıynshylyqtar bolmaýy tıis.
Ústimizdegi jylǵy qańtar-maýsymda elimizde 293 786 jeńil avtokólik tirkeldi. Bul kórsetkish ótken jylǵy tıisti kezeńmen salystyrǵanda 2,2 paıyzǵa joǵary.
Qyzylorda oblysynda «Bıznestiń jol kartasy-2020» baǵdarlamasy aıasynda quny 11 joba júzege asady. «Damý» qory aımaqtyq fılıaly menedjeri olardyń jalpy quny 164 mln. teńgeni quraıtynyn aıtyp otyr.
Ata-analar birinshi synypqa baratyn balasyn mektepke ınternet arqyly tirkeı alady. «Ulttyq aqparattyq tehnologııalar» AQ saıtynda jazylǵandaı, balany onlaın tásili arqyly «E-learning» elektrondyq bilim berý júıesi engizilgen mektepke (olardyń tizimi elektrondyq úkimet portalynda jarııalanǵan) rásimdeýge bolady.
Pavlodar oblysynyń bilim mekemeleri jańa oqý jylyna daıyn. Aımaqta aldaǵy birinshi qyrkúıek kúni 88,2 myń oqýshy mektepke barmaq. Barlyq bilim berý mekemelerine tıisti jóndeý jumystary júrgizilgen, oqýlyqtardyń túgeli satyp alynǵan.
О́skemende «Shyǵys» kentiniń jaǵdaıy birtindep túzelip keledi. Osyǵan qatysty kóptegen jaıttar burnaǵy kúni oblys ákimi Berdibek Saparbaevtyń «Nurly kósh» baǵdarlamasy sheńberinde salynǵan qonys turǵyndarymen kezdesýi kezinde anyqtalyp, alda jasalatyn jumystardyń jobasy belgilendi.
Aqtaýda shekarashylarǵa 37 avtokólik pen avtobýstardyń kilti tapsyryldy. Jalpy, bıyl Qazaqstan Shekara qyzmeti 200 avtotehnıka birligimen tolyǵyp otyr.
Almaty turǵynynan 1,5 tonna orylǵan marıhýana tabyldy. «Delta-Dolına» aımaqaralyq esirtki bıznesine qarsy kúres bóliminiń qyzmetkerleri Keńes aýylynyń «Qyrsymbal» ýchaskesinde 32 jastaǵy azamatty qolǵa túsirdi.
«QazAqparat», «Qazaqstan jańalyqtary», Bnews.kz,
TengriNews, EgemenNews habarlary
boıynsha daıyndaldy.
