Oblys ortalyǵynda «Qoljetimdi turǵyn úı-2020» baǵdarlamasy aıasynda kóp qabatty turǵyn úıler turǵyzýǵa erke Esildiń jaǵasynda ornalasqan «Naberejnyı» shaǵyn aýdany tańdap alyndy. Petropavl qalasy ákiminiń orynbasary Qaırolla Ǵalıevtyń aıtýynsha, qurylys jumystaryn júrgizýge 10 gektar jer telimi bólinip, jylý júıeleri tartylǵan. Bolashaqta munda 2-3 qabatty baspanalar salý belgilenip otyr.
Qurylys jumystarymen «Qazaqstannyń turǵyn úı-qurylys korporasııasy» AQ aınalysatyn bolady. Bul jóninde Qyzyljar óńirine jumys saparmen kelgen atalǵan kompanııa basqarmasynyń tóraǵasy Qaırat Áıtekenov málimdep, aldaǵy jumys josparlarymen bólisti. Sondaı-aq, ol korporasııanyń Jumysshy kenti shaǵyn aýdanynda qurylys nysandaryn salýǵa qatysatyndaryn, jalpy kólemi 11 myń sharshy metrdi quraıtyn 212 páterlik eki kóp qabatty úıdi salý isin kúzde bastap, bir jyldyń ishinde paıdalanýǵa berýdi mejelep otyrǵandaryn jetkizdi.
Qazirgi qarqynǵa qaraǵanda qalanyń Shyǵys, Iýjnyı shaǵyn aýdandarynda da jaıly da qoljetimdi baspana salý jumystarynyń qyzý óristeıtin túri bar.
Soltústik Qazaqstan oblysy.
