Atyraý oblysynyń ákimdigi Aýǵan soǵysy ardagerleriniń jesirlerine qamqorlyq kórsetýge kásiporyndardy tartýdy qolǵa aldy. Osyǵan oraı, oblys ákiminiń orynbasary Shyńǵys Muqan men áleýetti kásiporyndar basshylary Aýǵan soǵysy ardagerleriniń jesirlerine kómek kórsetý úshin arnaıy memorandýmǵa qol qoıdy.
Atyraý oblysynyń ákimdigi Aýǵan soǵysy ardagerleriniń jesirlerine qamqorlyq kórsetýge kásiporyndardy tartýdy qolǵa aldy. Osyǵan oraı, oblys ákiminiń orynbasary Shyńǵys Muqan men áleýetti kásiporyndar basshylary Aýǵan soǵysy ardagerleriniń jesirlerine kómek kórsetý úshin arnaıy memorandýmǵa qol qoıdy.
– Aýǵan soǵysy ardagerleriniń jesirlerine, otbasylaryna kómek kórsetýge birqatar kásipkerlerge usynys jasaǵan edik. Sóıtip, ár mekemege bir otbasydan bekittik. Kompanııalar bizdiń usynysymyzǵa qoldaý tanytty, – dedi Shyńǵys Muqan. – О́ńirdegi soǵys ardagerlerine qamqorlyq júıeli túrde kórsetilip, osy maqsat úshin jergilikti bıýdjetten qomaqty qarajat bólinip keledi. Sonyń ishinde 500-den astam Aýǵan soǵysy ardagerleriniń árbirine aı saıyn kómek retinde kommýnaldyq qyzmetterge 3158 teńge kóleminde ótemaqy tólenedi. Oblys ákimi B.Izmuhambetovtiń tapsyrmasymen qyrkúıek aıynan bastap, onyń mólsheri 10 myń teńgege ósiriledi. Oǵan jergilikti bıýdjetten qosymsha 12,2 mln. teńge qarjy bólinip otyr.
Bıznestiń áleýmettik jaýapkershiligi sheńberinde alty otbasyna demeýshilik kórsetý úshin memorandýmǵa «Neftestroıservıs», «Senimdi qurylys», «Alem grýpp Qazaqstan», «Enertech», «Toıes», «Rına Servıses Es-pı-Eı» JShS ókilderi qol qoıdy. Endi bul kásiporyndar ózderine bekitilgen otbasylarǵa demeýshilik jasaýdy bastamaq.
Budan bólek Aýǵanstanda qaza tapqan ınternasıonalıst jaýyngerlerge arnalǵan eskertkishti Atyraý qalasynyń ortalyq saıabaǵyna ornatý kózdelip otyr. Eskertkishtiń saıası maǵyna beretin erekshelikteri bar. Birinshiden, joǵarǵy alańdaǵy 10 baspa – 10 jylǵa sozylǵan (1979-1989j.j.) soǵysty bildiredi. Ekinshiden, aq arka sılýeti, bıiktigi 9 metrdi quraıtyn biteý jar – Aýǵanstandaǵy shyń-shatqaldardyń jıegin, Keńes áskerleri janyn pıda etken eldiń mekenjaı sımvolyn bildiredi. Úshinshiden, qorǵanys sheńberindegi eki áskerdiń qola músini – jat elde qalyp qoıǵan jigitterdiń taǵdyryn beıneleıdi. Tórtinshiden, dekoratıvtik jarda habar-osharsyz ketken jáne qaza tapqandardyń attary kórsetilgen qola jazbalar, sonymen qatar, qazaq jáne orys tilderindegi ınternasıonalıst jaýyngerlerdiń attaryna eskertkish tańba qarastyrylǵan.
Joldasbek ShО́PEǴUL,
«Egemen Qazaqstan».
Atyraý oblysy.
