Jumys qarqyny mardymsyz

Keshe Qorshaǵan ortany qorǵaý mınıstri Nur­lan Qapparov ju­mys babymen Qyzyl­­­­­­orda oblysynda boldy.

Keshe Qorshaǵan ortany qorǵaý mınıstri Nur­lan Qapparov ju­mys babymen Qyzyl­­­­­­orda oblysynda boldy.

Baıqońyr qalasynda Prem­er-Mınıstr Serik Ahme­­­­­­tov­tiń ókimimen qurylǵan re­seı­lik «Proton-M» zymyran ta­sy­ǵyshynyń qulaý sal­da­ry­nyń ekologııalyq zardaptaryn joıý jónindegi is-sharalardyń ót­kizilýin baqylaý jónindegi ko­mıssııanyń basshysy bolyp taby­latyn Nurlan Qapparov Qyzylorda oblysynyń ákimi Qyrymbek Kósherbaevtyń, «Ros­kosmos» bas­shylarynyń, sondaı-aq, orta­lyq jáne jer­gi­likti atqarý­shy or­gandar ókil­de­riniń qaty­sýy­men kóshpeli keńes otyrysyn ótkizdi.

Geptılmen lastanǵan jer­lerdi zalalsyzdandyrý boıynsha qazaqstandyq jáne reseılik mamandardyń birlesip ótkizgen jumystarynyń barysy týraly «Roskosmos» agenttiginiń Baıqońyr ǵarysh aılaǵyndaǵy basqarma bastyǵy Anatolıı Belokon jáne QR Ulttyq ǵarysh agenttiginiń «Ǵarysh ekologııa ǴZO» RMK dırektory Jaılaýbaı Jubatov baıandady.

N.Qapparov aýmaqty zalalsyzdandyrý jumystarynyń qarqyny men nátıjelerine rıza emestigin bildirdi. Roskosmostyń ókili detoksıkasııalaýdy aıaqtaýǵa 15 kún surady.

Sonymen qatar mınıstr zymyran tasyǵyshtarynyń qulaýy saldarynyń ekologııaǵa jáne Baıqońyr men ǵarysh aılaǵyna taıaý ornalasqan eldi mekender turǵyndarynyń densaýlyǵyna keltirilgen zııannyń áserin anyqtaý sharalarynyń jalǵas­tyrylatyndyǵyn aıtty. Osy­ǵan oraı ol Baıqońyrda Qazaq­stannyń ekologııalyq kodek­siniń qoldanylýy máse­leleri jónindegi kelissózderdi údetý qajettigin atap ótti.

Otyrys barysynda Qy­zylorda ákimshiligi tarapynan «Proton-M» zymyran tasyǵyshtaryn ushyrýǵa baılanysty máselelerdi qarastyrýǵa baǵyttalǵan konferensııa (dóń­gelek ústel) ótkizý týraly usy­nys jasaldy. N.Qapparov bul bastamany qoldap, Ros­kosmos ókilderin eki tarap úshin mańyzy zor máselelerdi jan-jaq­ty talqylaýǵa qatysýǵa shaqyrdy.

«Egemen-aqparat».