Almatyda 2022 jylǵy Qysqy XXIV Olımpıada oıyndaryn ótkizý jóninde usynys engizý máselesine arnalǵan alǵashqy jıyn ótti. Oǵan Sport jáne dene shynyqtyrý isteri agenttiginiń tóraǵasy Erlan Qojaǵapanov pen qala ákimi Ahmetjan Esimov qatysty.
Jıynda Erlan Qojaǵapanov Halyqaralyq Olımpıada komıtetiniń sessııasynda Olımpıada oıyndaryn ótkizetin qala anyqtalatynyn aıtyp, qazirdiń ózinde oǵan birneshe qalanyń úmitker bolyp otyrǵanyn jetkizdi. Osy jerde ol Olımpıada oıyndary ótetin qala birneshe kezeńnen ótýi tıis ekenin, áıeli qala ótinishti 2013 jyldyń 14 qazanyna deıin berip úlgerý kerektigin aıtyp, sodan keıin ǵana Olımpıada ótkizýdi anyqtaıtyn Baǵalaý komıssııasy 2014 jyldyń shilde aıyna deıin ózine tıesili jumystardy júrgizetinin atap ótti. «Osy kezeńderden ótkennen soń ǵana 2015 jyldyń tamyz aıynda HOK-niń sessııasy bir qalany tańdaý prosedýrasyn júrgizedi», dedi ol.
Almaty ákimi Olımpıada oıyndary ótetin qalany tańdaý barysynda sol eldiń áleýmettik-ekonomıkalyq jaǵdaıy eskeriletinin aıtty. Onda A.Esimov osy kezge deıin bizdiń elimiz EQYU Sammıtin, Álemdik jáne dástúrli dinder jetekshileriniń Sezi men Qysqy Azııa oıyndaryn tıisti deńgeıde ótkizgenin, odan basqa sporttyń qysqy túrlerinen tuǵyrdan sekirýden Álemdik Kýbok kezeńderiniń, dopty hokkeıden álem chempıonaty ótkeninen habardar etti. «Al qazir 2017 jylǵy Ýnıversıadany ótkizý úshin tıisti nysandary salynýda. Bul halyqaralyq mańyzy bar sharany da bizdiń el joǵary jeńgeıde ótkizetinine senemiz», dedi ol. Osydan keıin qala ákimi Ahmetjan Esimov HOK 2022 jylǵy Qysqy Olımpıadany ótkizýge ótinish bergen qalalar qataryna Almatyny engizý týraly jazylǵan hatqa qol qoıdy.
Dastan Kenjalın.
