Tamyzdyń 15-i kúni Qarasaı aýdandyq sotynyń sýdıasy Erkin Seıitov Almaty oblysynyń Qaskeleń qalasynda 27 jastaǵy Dmıtrıı Jabındi «Tastybulaq kentiniń turǵyny, ekolog Nurlan О́teýlıevti óltirdi» dep, 10 jylǵa túrmege kesti.
«JEKE BAS ARAZDYǴYMYZ BOLǴAN»
Sot boljamy boıynsha (aıyptaýshy taraptyń boljamymen sáıkes keledi), Dmıtrıı Jabın bızneske baılanysty jeke bas arazdyǵynan bólesi Nurlan О́teýlıevti qasaqana óltirgen.
Dmıtrıı Jabın Nurlan О́teýlıevti myltyqpen atqanyn aıtty. Qylmysyn ózi kelip moıyndap, túsinik berip, tergeýge kómektesken Dmıtrıı Jabın «qasaqana óltirdim» degen sózinen tanbady. Ol sońǵy sózinde aıybyn moıyndaıtynyn, istegen qylmysyna qatty ókinetinin málimdedi.
Nurlan О́teýlıevtiń anasy, jábirlenýshi Manat О́teýlıeva «jeńil jaza berdi» dep, sot úkimimen kelispeıdi. Onyń úkimdi qaıta qaraý jóninde shaǵym berer-
bermesi áli belgisiz. «Ulymdy Dmıtrıı Jabın jalǵyz óltirgen joq, munyń artynda basqa adamdar da bar» dep paıymdaıdy Manat О́teýlıeva.
– Qylmysqa qatysty basqa adamdar bary anyq, biraq olardy jasyryp otyr, – deıdi marqumnyń anasy jýrnalısterge.
Sottalýshynyń advokaty Aınagúl Kóshkinova Dmıtrıı Jabınniń «polısııaǵa ózi kelip, abaısyzda kisi óltirgenin shyn kóńilden moıyndaǵanyn, tergeý jumysyna barynsha kómekteskenin», buryn sottalmaǵanyn, qaraýynda ekinshi top múgedegi ári júıkesi syrqat anasy baryn eskerip, sottan onyń jazasyn jeńildetýdi surady.
Dmıtrıı Jabınniń aǵasy Murat Dadabaev jýrnalısterge «qorǵaýshy tarap úkimge qatysty shaǵym berý týraly áli sheshimge kelmegenin» aıtty.
Nurlan О́teýlıevtiń sońynda jubaıy men 10 jasar uly qaldy. Onyń anasy Manat О́teýlıeva – múgedektigi boıynsha zeınetke shyqqan adam. Ol kisiniń qaraýynda múgedek eresek eki balasy bar.
BELSENDILER KÚRESI
Almaty oblysy Qarasaı aýdany Tastybulaq kentiniń turǵyny, «Tabıǵat» ekologııalyq qozǵalysynyń belsendisi Nurlan О́teýlıevtiń denesi bıyl 10 naýryz kúni Almatyǵa jaqyn mańnan, Alataý bókterinen tabylǵan edi.
Nurlan О́teýlıev kóz jumarynan bir apta buryn kent baǵynda ǵasyrlar boıy ósip turǵan aǵashtardy kesýge qarsy shyqqan. Mundaı janjaldar buryn da bolǵan.
«Tabıǵat» ekologııalyq qozǵalysy belsendileriniń Tastybulaq baǵyndaǵy aǵashtardy kesýge qarsy kúresip kele jatqanyna tórt jyl boldy. Almaty
túbindegi kórikti jerde ornalasqan baqtaǵy toǵaıdy otaý týraly daý jaıynda jergilikti aqparat quraldary birneshe ret jazǵan. Baspasózde kóterilgen shýdan keıin bılik ǵasyrlar boıy ósip turǵan aǵashtardy kesýdi zańsyz dep taýyp, ol is birazǵa deıin toqtatylǵan.
Aýyldyń belsendi turǵyndary toǵaıdy saqtaý úshin azamattyq belsendilerge aınalyp, saıasatker Mels Eleýsizov basqaratyn ekologııalyq qozǵalysqa kirdi. Baspasózde «satylyp ketken jerlerde ejelgi saq qorǵandary bar eken» degen habarlar da shyqty. Alataýdyń etegindegi Tastybulaq kenti Almaty qalasynyń joǵarǵy bóligimen shektesedi.
Nurlan О́teýlıevtiń ólimi Almaty qalasy men oblysynda elıtalyq turǵyn úı salý úshin qoryqtyq jerlerdi joıý áreketine qarsy belsendilerdiń narazylyǵyn týdyrdy. О́teýlıevtiń j
