Aýyr qylmys jasaǵan jasaǵan О́zbekstan azamaty Qyzylordada ustaldy. Bul týraly oblys prokýrorynyń aǵa kómekshisi Ǵabıt Almaǵambetov habarlady.
«Ústimizdegi jyldyń 6 aıynda aýyr sanattaǵy qylmys jasap, memleketaralyq izdeýde júrgen О́zbekstannyń 3 azamatyna ádetten tys qamaý sharasy qoldanyldy. Onyń ishinde 1-i boıynsha Qazaqstan Respýblıkasy Bas prokýratýrasynyń kelisimi boıynsha О́zbekstan Respýblıkasynyń quzyrly organdaryna berildi», - delingen onda.
Oblystyq ishki ister departamenti qyzmetkerleri profılaktıkalyq jedel is-sharalaryn júrgizý kezinde Qyzylorda qalasydaǵy «Aqmeshit» shaǵyn aýdanynda О́zbekstan Respýblıkasynyń 1982 jyly týǵan azamaty Fahraddın Saıdovtyń qandaı da bir azamattyǵyn anyqtaıtyn qujaty joq ekeni anyqtalyp, qalalyq mamandandyrylǵan ákimshilik sotynyń qaýlysymen qabyldaý-taratý ornyna 30 táýlikke ákimshilik qamaýǵa alynǵan. Al jeke basyn anyqtaý nátıjesinde onyń О́zbekstan Respýblıkasy Hıýa aýdandyq sotynyń 2013 jylǵy 1 sáýirdegi uıǵarymymen aýyr qylmysyn jasaǵany úshin memleketaralyq izdeý jarııalanǵany belgili boldy.
Qyzylorda qalalyq sotynyń qaýlysymen sosyn Saıdov Fahraddın Atıazovıch 40 táýlikke ádetten tys qamaýǵa alyndy. Sodan keıin qalalyq sottqaýlysymen onyń merzimi 2 aıǵa deıin uzartyldy. Nátıjesinde Bas Prokýrorynyń birinshi orynbasary I. Merkeldiń F.Saıdovty О́zbekstan Respýblıkasynyń quzyrly organdaryna berý týraly qaýlysyna sáıkes, ol О́zbekstan Respýblıkasynyń quzyrly organdaryna tapsyryldy.
Qurysh Nurymbet.
