Bilim jáne ǵylym mınıstrliginiń bekitken jumys kestesine sáıkes, 27 shilde men 10 tamyz aralyǵynda «Baldáýren» respýblıkalyq oqytý-saýyqtyrý ortalyǵy bazasynda «Dostyqtyń altyn kópiri» aýysymynda Qazaqstan halqy Assambleıasynyń jas ókilderimen kezdesý bolyp ótti.
Bilim jáne ǵylym mınıstrliginiń bekitken jumys kestesine sáıkes, 27 shilde men 10 tamyz aralyǵynda «Baldáýren» respýblıkalyq oqytý-saýyqtyrý ortalyǵy bazasynda «Dostyqtyń altyn kópiri» aýysymynda Qazaqstan halqy Assambleıasynyń jas ókilderimen kezdesý bolyp ótti.
Qazaqstandaǵy barlyq halyqtyń yntymaǵy men dostyǵyn, beıbitshilikti, sabaqtastyqty, birlik pen qazaqstandyq patrıotızmdi nyǵaıtýǵa baǵyttalǵan «Dostyqtyń altyn kópiri» sharasy yntymaq pen dostyq ráýishte ótti. Mine, 11 jyldan beri «Dostyqtyń altyn kópiri» aýysymy osyndaı mazmunda ótkizilip keledi. Onyń basty maqsaty – halyqtardyń etnomádenı negizinde tanymdyq jáne qolaıly orta týǵyzý bolyp tabylady. Eń bastysy, bul elimizdiń túkpir-túkpirinen demalýǵa kelgen barlyq balalardyń basyn biriktirý jáne toptastyrý. Sondyqtan da atalǵan is-sharanyń baǵdarlamasy jalpyadamzattyq qundylyqtar – dostyq, ádildik, yntymaqtastyq, izgilik, ózara qurmet pen súıispenshilik ekenin sezinýine qurylǵan. Buǵan alys jáne jaqyn shetelderden, ıaǵnı Reseı Federasııasynyń Sankt-Peterbýrg qalasynan, О́zbekstannan, Qyrǵyzstannan, Mońǵolııadan, Qytaı men Izraılden qazaq dıasporasynyń balalary shaqyrylǵan.
Aýysymnyń basynda-aq balalar ortalyqtyń jalpy sharalaryna belsendi kirisip ketti. Aýysymdy ázirleýde biz ıgi dástúrdi ustandyq. О́ıtkeni, tek bizde ǵana jastardyń arasynda dástúrlerdi jalǵastyrýdyń biregeı múmkindikteri bar. Sonymen qatar, biz jastarmen jumys isteýdiń jańa úlgisin jasaýshy boldyq.
Aýysym aıasynda balalar dóńgelek ústel basynda meımandar – «Shalqar» qazaq radıosynyń redaktory Ásel Ergeshpen, qazaq estradasynyń ánshisi Jańabaı О́tegenmen jáne «Daryn» memlekettik jastar syılyǵynyń laýreaty, dombyrashy Murager Saýranbaevpen kezdesti. Kezdesýde balalardyń ózderin qyzyqtyrǵan suraqtar qoıýyna da múmkindik jasaldy.
Aýysym barysynda túrli halyqtardyń mádenı kúnderi de atalyp ótildi. Balalar ártúrli taqyryptarǵa asa qyzyǵýshylyq tanytýmen boldy. Radıodan ulttar men ulystardyń mádenıeti jaıynda qysqasha aqparattar berilip, kúni boıy ártúrli sharalar, oıyndar, konkýrstar uıymdastyryldy. Bul sharalardan ashana qyzmetkerleri de tys qalmaı, ulttyq mádenıetter kúni olar árbir ulttyń taǵamdaryn ázirledi. Balalar arasynda túrli sporttyq oıyndar ótkizilip, olar galereıa men kıiz úıdegi etnografııalyq murajaıdy tamashalady.
Aýysym qorytyndysy boıynsha ótkizilgen gala-konsertte barlyq kórsetilimder sahnaǵa shyǵaryldy. Gala-konsertti Reseı Federasııasynan (Sankt-Petrbýrg) kelgen qonaǵymyz Saltanat Qadyrseıitova «Balbyraýyn» kúıimen, О́zbekstandaǵy qazaq mádenı ortalyǵynyń ókilderi Klara Sadyrbaeva men Úsen Shyndáýletov «Sulý qyz» mýzykalyq nómirlerimen, Qyrǵyzstan qazaqtary assosıasııasy tóraǵasynyń orynbasary Tileýhor Boshýmova jáne «Baldáýren» ortalyǵynyń bas dırektory Muhıtdın Tólepbaı «Kózimniń qarasy» ánderimen árlendirip jiberdi.
«Dostyqtyń altyn kópiri» aýysymynda Qazaqstan halqy Assambleıasynyń jas ókilderimen kezdesýdiń qorytyndysy boıynsha oǵan qatysýshylarǵa gramotalar men alǵys hattar tabys etildi.
Elena ZARÝDNISKAIа,
«Baldáýren» respýblıkalyq
oqytý-saýyqtyrý ortalyǵy
ádistemelik bóliminiń ǵylymı ádiskeri.
