«Qazaqstan» RTRK» AQ FIFA World Cup kelesi jyly Brazılııada ótetin fýtboldan álem chempıonatyn Qazaqstan aýmaǵynda taratý úshin tender utyp aldy. Chempıonat 12 maýsym men 13 shilde aralyǵynda Brazılııanyń 12 qalasynda ótedi.
«Qazaqstan» RTRK» AQ FIFA World Cup kelesi jyly Brazılııada ótetin fýtboldan álem chempıonatyn Qazaqstan aýmaǵynda taratý úshin tender utyp aldy. Chempıonat 12 maýsym men 13 shilde aralyǵynda Brazılııanyń 12 qalasynda ótedi.
«Qazaqstan» RTRK» AQ álemdik deńgeıdegi mańyzy zor bedeldi fýtbol chempıonatyn Qazaqstan aýmaǵyna taratý quqyǵyna osymen ekinshi ret ıe bolyp otyr. Byltyr «Qazaqstan» jáne «Birinshi arna Eýrazııa» telearnalary Ýkraına men Polshada ótken Eýropa chempıonatyn kórsetti. Bul jobany Qazaqstan aýmaǵynda júzege asyrý jumystaryna ÝEFA-daǵy (Eýropanyń fýtbol assosıasııasy odaǵy) áriptesterimiz joǵary baǵa berdi.
2014 FIFA World Cup fýtboldan ótetin álem chempıonatyn (barlyǵy 64 oıyn) «Qazaqstan», «Birinshi arna Eýrazııa» jáne «KAZsport» telearnalary kórsetedi. «Qazaqstan», «Birinshi arna Eýrazııa» telearnalary 32 oıyndy tikeleı efırden taratady. «KAZsport» telearnasy «Qazaqstan» jáne «Birinshi arna Eýrazııa» telearnalary taratqan 32 oıyndy jáne álem chempıonatyndaǵy 64 matchty tolyq qaıtalap kórsetedi.
«Qazaqstan» jáne «KAZsport» telearnasy taratqan fýtbol oıyndaryn www.kaztrk.kz ı www.kazsporttv.kz saıttary on-laın túrinde kórsetedi.
«Qazaqstan» jáne «KAZsport» telearnasy 6 jeltoqsanda sheshýshi tańdaý saltanatyn (sońǵy jerebe salý), kelesi jyldyń 12 maýsym kúni ótetin ashylý saltanaty men fýtbol oıyndarynyń bastalýyn tikeleı efırde kórsetedi. Úshinshi orynǵa talasatyn oıyn da «Qazaqstan» jáne «KAZsport» telearnalarynda tikeleı efır arqyly kórermenge jol tartady. Al 13 shilde kúni álem chempıonatynyń fınaly men jabylý saltanatyn «Qazaqstan» men «Birinshi arna Eýrazııa» telearnalary tikeleı efırden taratatyn bolady.
«Qazaqstan» jáne «KAZsport» telearnasy «Road to...» atty 20 bólimnen turatyn (qalalar, álem chempıonaty ótetin stadıondar, oıynǵa qatysatyn ulttyq quramalar, jankúıerler, álem chempıonatynyń tarıhy men onyń jeńisteri týraly) fýtbol dodasy aldyndaǵy kúndelik baǵdarlamalardy kórsetedi.
Álem chempıonaty qarsańynda jáne oıyn barysynda ártúrli baǵdarlamalar, shoýlar men saraptamalyq habarlardan turatyn qomaqty jobalar júzege asady. Álem chempıonaty kezinde «Qazaqstan» jáne «KAZsport» telearnalarynda ótken fýtbol oıyndaryna kúndelikti sholý jasalady.
Dastan KENJALIN,
«Egemen Qazaqstan».
