Qazaqstan Respýblıkasynyń Ulttyq murajaıy men Birinshi «Eýrazııa» arnasy áriptestik týraly memorandým qabyldady. Bul qujatqa QR Ulttyq murajaıynyń dırektory Darhan Myńbaı men Birinshi «Eýrazııa» arnasy bas dırektorynyń orynbasary Muhtar Erman qol qoıdy.
Qazaqstan Respýblıkasynyń Ulttyq murajaıy men Birinshi «Eýrazııa» arnasy áriptestik týraly memorandým qabyldady. Bul qujatqa QR Ulttyq murajaıynyń dırektory Darhan Myńbaı men Birinshi «Eýrazııa» arnasy bas dırektorynyń orynbasary Muhtar Erman qol qoıdy.
Astanada Ulttyq murajaıdyń qurylysy áli júrip jatyr. Bul biregeı joba Astana tarıhynyń murajaıy, Táýelsiz Qazaqstannyń tarıhy, Qazaqstan tarıhy, altyn jáne zamanaýı óner tarıhy seksııalarynan turady. Elbasynyń bastamasymen qolǵa alynǵan bul ǵajaıyp murajaı ulttyq-mádenı qundylyqtardy saqtaıtyn oryn bolmaq. Tuńǵysh Prezıdent kúnine oraı onyń bir bólshegi «Astana tarıhynyń murajaıyn» ashý josparlanyp otyr. Onyń ózi, jalpy aýmaǵy 14 myń sharshy metrden asatyn, 14 zaly bar úlken ǵımarat.
Qazaqstan Respýblıkasynyń Ulttyq murajaıy men Birinshi «Eýrazııa» arnasy Elbasynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynda, «Halyq tarıh tolqynynda» baǵdarlamalarynda kórsetilgen bazalyq qundylyqtardy júzege asyrýǵa baǵyttalǵan áriptestikke ýaǵdalasty.
Birinshi «Eýrazııa» arnasy elimiz aýmaǵynyń 90 paıyzyna habar taratady. Ol óziniń aqparattyq saıasatynda urpaq boıyna otansúıgishtikti sińirý, mádenı murany saqtaý, sondaı-aq, ulttyń tarıhı sanasyn qalyptastyrý máselelerin basty nazarda ustaıdy. Arnany damytý strategııasynda qazaq tilindegi habarlarǵa basymdyq berý jaǵy da qarastyrylýda.
«Egemen-aqparat».
