Onyń aıtýynsha ózin jáısiz, nashar, syrqat jaǵdaıynda sezingen Aqtóbe qalasynyń turǵyny medısına mekemesine óz erkimen kelip jolyqqan. Oǵan dereý tekserilý júrgizilip qaýipti ınfeksııany juqtǵyrǵan-juqtyrmaǵany jóninde test tásilimen anyqtaýlar júrgizilgen kezde bul oń nátıje kórsetken.
«Naýqastyń Aqtóbe qalasynan ózge jaqqa, sonyń ishinde shetelge shyqpaǵany, ári sheteldiktermen qarym-qatynasta bolmaǵany belgili bolyp otyr. О́ńirdiń óz ishinde koronavırýske tap bolǵan azamatpen baılanysta bolǵan adamdardyń bári, ıaǵnı onyń otbasy músheleri men týma týysqandary, jora joldastary men áriptesteri jáne medısına qyzmetkerleri shuǵyl oqshaýlanyp, arnaıy ázirlengen oryndarǵa jetkizildi. Olardyń jalpy sany 56. Sonyń arasynan taǵy da bir adam indet juqtyrǵan. Naýqastar turǵan kóp qabatty úıler dezınfeksııalanyp, karantınge qoıyldy» dedi oblystyń bas sanıtarlyq dárigeri.
Bul jáıt turǵyndardan saqtandyrý sharalaryn odan ári kúsheıte túsýdi uqtyrady.
