Bıylǵy jyr báıgesine elimizdiń túpkir-túpkirinen 97 aqyn qatysyp, óleńnen óner jarystyrdy.
Belgili synshy Amangeldi Keńshilikuly tóraǵalyq etken qazylar alqasynyń sheshimimen músháıranyń bas báıgesine respýblıkalyq "Qazaq ádebıeti" gazetiniń bólim meńgerýshisi, aqyn Batyrhan Sársenhan laıyqty dep tanyldy.
Jyr dodasynyń birinshi júldesi qaraǵandylyq aqyn Janat Jańqashulyna buıyrsa, ekinshi oryndy Nur-Sultan qalasynan kelip qatysqan Aıdyn Baıys pen Jadyra Baıbulanova ózara bólisti.
Al úshinshi júlde qyzylordalyq Dına Bókebaı, almatylyq Asyl Sultanǵazy, jambyldyq Ǵaınıken Raıymbekova jáne elordalyq Umtyl Zaryqqan syndy tórt aqynǵa teńdeı bólinip tabys etildi.
Sonymen qatar, Syrbaı Máýlenov atyndaǵy arnaıy júldege oraldyq Nurtileý Qadyrqulov ıe bolsa, Ǵafý Qaıyrbekov atyndaǵy júlde astanalyq Birjan Ahmerge berildi. Jumeken Nájimedenov atyndaǵy júldeni semeılik Azamat Serikov, Keńshilik Myrzabekov atyndaǵy júldeni qaraǵandylyq Juldyz Moldaǵalıeva jáne Dáýitáli Stambekov atyndaǵy júldeni almatylyq Aslan Tilegen aldy.
Jeńimpaz jáne júldeger bolǵan shaıyrlardy qoǵam qaıratkeri Rymbala Omarbekova, belgili aqyndar Serik Aqsuńqaruly, Ǵalym Jaılybaı jáne Qazaqstan Jazýshylar odaǵy oblystyq fılıalynyń tóraǵasy Serik Saǵyntaı marapattady.
Qaraǵandy oblysy
