"Biz óndiristik múmkindikterimizdi jáne álemdik saýda naryǵyn taldadyq. Eksportty arttyrý úshin jalpy somasy 13,4 mlrd dollardan asatyn 16 neǵurlym perspektıvaly sektor anyqtaldy. Teorııadaǵy sandardy naqty óndiristegi kórsetkishterge, kelisimsharttarǵa jáne basymdy eksporttyq naryqtarǵa jetkizý akanaldaryna aınaldyrý úshin qazir barlyq salalyq qaýymdastyqtarmen, kásiporyndarmen belsendi jumys istep jatyrmyz", - dedi mınıstr.
Ol ár el úshin óz taýarlarynyń tizimi qurylǵanyn aıtty.
"Mysaly, jýyrda Jenevada áriptesterimizben kezdestik. О́tken jyly biz 104 taýar túrin usynsaq, bir jyldyń ishinde júrgizilgen jumystardyń nátıjesinde naqtyladyq, olardyń qaýymdastyqtarymen jumys istedik, 40 jýyq taýardy ońtaılandyrdyq, biraq múmkindikterimizdi naqtyladyq", - dedi vedomstvo basshysy eksporttyq taýarlardyń quny 275 mln dollardy quraıtynyn atap ótip. Bul munaı-hımııa, tamaq ónerkásibi, mashına jasaý, metallýrgııa ónimderi jáne qurylys taýarlary.
