Merekelik quttyqtaýdy Koreıa Respýblıkasynyń Qazaqstan Respýblıkasyndaǵy Tótenshe jáne О́kiletti elshisi Ký Hon Sok jáne elordalyq QHA hatshylyǵynyń ókilderi arnady. Olar bıyl óziniń 20 jyldyǵyn atap ótken ujym múshelerin quttyqtap, odan ári órkendeý men jańa bıikterge jetýdi tiledi.
Is-shara barysynda Qazaqstandaǵy koreıler qaýymdastyǵynyń 30 jyldyǵyna oraı ansambl músheleri Tamara Shegaı, Natalıa Legaı, Lıýdmıla Tıan, Alla Kogaı jáne Erbýlat Kalıev merekelik tósbelgilermen marapattalsa, ujymynyń ózge múshelerne arnaıy Alǵys hattar tabystaldy.
Qatysýshylarǵa konserttik baǵdarlamadan bólek, koreı halqynyń ulttyq taǵamy «Kımchı» ázirleýden sheberlik saǵaty ótti.
«Nur-Sultan qalasyndaǵy koreılerdiń etnomádenı birlestigi» qoǵamdyq birlestiginiń «Chen-Rıý» halyqtyq vokaldyq ansambli 2000 jyldyń qarasha aıynda quryldy. Ansambl repertýarynda qazaq, koreı jáne orys tilderinde 40-tan astam án bar. Qazir horda 20 qatysýshy bar, 17 jyldan beri Lıazzat Hamzına hordy basqaryp keledi. L.Hamzınanyń jetekshiligimen ujym qalalyq, sondaı-aq respýblıkalyq is-sharalarǵa, konkýrstar men festıvaldarǵa belsendi qatysady. Oǵan kóptegen marapattar men alǵys hattar jıyny dálel bola alady. Hor ujymy birneshe ret túrli elderge konserttermen de barǵan bolatyn.
