Is-sharaǵa Reseı Qaýipsizdik keńesiniń hatshysy N.Patrýshev, Armenııa Qaýipsizdik keńesiniń hatshysy A.Grıgorıan, Qyrǵyzstan Qaýipsizdik keńesiniń hatshysy R.Mýsaev, Tájikstan Qaýipsizdik keńesiniń hatshysy N.Mahmýdzoda, Belorýssııanyń Qaýipsizdik keńesi Memlekettik hatshysynyń orynbasary M.Pýzıkov jáne UQShU Bas hatshysy S.Zas qatysty (2020 jyly UQShU-ǵa Reseı Federasııasy tóraǵalyq etkenin eskere otyryp, otyrysty Máskeý qalasynda ótkizý josparlanǵan bolatyn).
Taraptar jıyn barysynda halyqaralyq jáne óńirlik ahýaldyń negizgi aspektileri týraly pikir alysty. О́zekti syn-tegeýrinder men qaterlerge qarsy is-qımyldardyń, terrorıstik áreketterdiń, esirtkiniń zańsyz aınalymymen kúres júrgizýdiń praktıkalyq sharalaryna, kıber-
qaýipsizdik salasyndaǵy birlesken sharalarǵa basty nazar aýdaryldy.
Áset Isekeshev UQShU-nyń mańyzdy baǵyttary boıynsha Qazaqstannyń atqaryp jatqan jumysy jaıynda áriptesterin habardar etip, halyqaralyq terrorızmmen jáne ekstremızmmen kúreste keshendi ári júıeli tásil qajet ekenin atap ótti.
Jıynda UQShU-ǵa múshe memleketterdiń Qaýipsizdik keńesteriniń hatshylary halyqaralyq terrorızmmen, terrorızmniń jáne onymen baılanysty ekstremıstik ıdeologııalardyń taraýyna qarsy kúres júrgizý maqsatynda Yntymaqtastyq pen úılestirý kúshterin nyǵaıtý týraly málimdeme qabyldady.
Sondaı-aq Uıym aıasynda ózara is-qımyldy jetildirýge baǵyttalǵan birqatar qujatqa qol qoıyldy.
Kezdesý qorytyndysy boıynsha UQShU-ǵa múshe memleketter basshylarynyń qatysýymen bıylǵy jyldyń 2 jeltoqsan kúnine josparlanǵan Ujymdyq qaýipsizdik keńesi sessııasynyń kún tártibiniń jobasy kelisildi.
UQShU Qaýipsizdik keńesi hatshylary komıtetiniń kezekti otyrysy 2021 jyly Tájikstan Respýblıkasynda ótedi, dep habarlady Aqorda saıty.
