Aýyl sharýashylyǵyna qolaıly bul tehnıkasyn ol birneshe kóliktiń jıyntyǵynan qurapty. Traktorǵa «Jıgýlıdiń» qosalqy bólshekteri men «Nıvanyń» qozǵaltqyshyn ornatqan. Aldaǵy ýaqytta Talǵattyń traktorǵa qosymsha tirkemeler jasap shyǵarmaq oıy bar. Jospary júzege assa, ol aýyl sharýashylyǵy jumystaryna paıdalanylyp, sharýanyń qolyn uzartatyny anyq.
«Bul tehnıkany jasaýdaǵy maqsat – úı irgesindegi baý-baqshalyq jerlerdi jyrtý, egin egýge daıyndaý, qol kúshin jeńildetip, eńbek tıimdiligin arttyrý. Soqaǵa qosa, súrgish qurylǵysyn qoıyp jatyrmyn, buıyrtsa bul traktormen maldyń qıyn tazalaýǵa da bolady. Kólik jóndeýge bala jasymnan qyzyqtym. Endi sony kásip etip, nápaqa aıyryp otyrmyz. Atam da, ákem de temir ustasy bolǵan jandar. Solardyń izimen kele jatyrmyn», deıdi Talǵat Asanhanuly.
О́nertapqysh jigit týraly aýyldastary da jyly pikir bildirdi. «Talǵat tehnıkanyń tilin biledi. Jeti atasynan beri qaraı Erdáýittiń temir usta dúkenin ustap kele jatqan jandar. Aýyl turǵyndarynyń bári tehnıkasyn osy inimizge alyp kelip, jóndetedi. Qolaqysy da qymbat emes. Usaq-túıek jumystaryn tegin istep beretini bar, qol-qaıyry da az emes», deıdi aýyl aǵasy Táttibek Ádeev.
Átirgúl TÁShIM,
jýrnalıst
