«Paıyzdyq mólsherlemeni sýbsıdııalaý men Indýstrııalandyrý kartasynyń jobalaryna kepildik berýdi, ındýstrııalyq ınfraqurylym júrgizý boıynsha jaqsartylǵan sharttardy, sondaı-aq osyǵan oraı mindettemelerdiń monıtorıngin qarastyrý qajet. Budan basqa, qarjylandyrýǵa baılanysty damý ınstıtýttary jelisi boıynsha bólinetin qarajattyń 50%-yn karta jobalaryna baǵyttap, Premer-Mınıstr men óńirler ákimderi arasyndaǵy Memorandýmnyń ındıkatorlaryna tıisti jylǵa engiziletin jobalardyń sanyn qosý qajet», dep málimdedi Albert Raý.
О́z kezeginde Indýstrııa jáne ınfraqurylymdyq damý vıse-mınıstri Amanııaz Erjanov elimizdiń árbir oblysyna qatysty tolyq esep berip, 2020 jyldyń negizgi jobalaryn atady. Olar: Almatyda «KMK Investment» JShS metallýrgııalyq zaýyty, elordada «ModeX Astana» JShS kólemdi-blokty úı qurylysy zaýyty, Qaraǵandy oblysynda «Qaz Carbon» JShS ferroqorytpa zaýyty, Almatyda «Hyundai Trans Kazakhstan» jeńil avtokólikter óndirisi, Saran qalasynda avtobýstar, karerlik jáne jol-qurylys tehnıkasyn shyǵarý óndirisi, Qaraǵandy oblysynda «QazTehna» JShS jáne Shyǵys Qazaqstan oblysynda «Úlbi-TVS» JShS jylý bóletin quramalar óndirisi.
«Bıyl 995,9 mlrd teńge ınvestısııa kólemindegi 18,8 myńnan astam jumys ornyn qurý kózdelgen 206 jobany iske qosý josparlanǵan. Olardyń ishindegi 77 joba (5,8 myń jumys orny) aýyldyq jerlerge, 15 joba (1 myńnan astam jumys orny) monoqalalarǵa baǵyttalǵan. Barlyq málimdelgen jobalar tolyqqandy júzege asqan jaǵdaıda óndiriletin ónimniń jalpy kútiletin kólemi – 3 mlrd AQSh dollaryn, onyń ishinde eksportqa shyǵarylatyny – 800 mln AQSh dollaryna jýyq qarajatty quraıdy», dep naqtylady Amanııaz Erjanov.
Spıker atap ótkendeı, búgingi tańda jalpy somasy 432 mlrd teńgeden asatyn 51 joba paıdalanýǵa berildi, 127 jobany aǵymdaǵy jyldyń sońyna deıin iske qosý josparlanǵan. Sonymen qatar 13 jobany paıdalanýǵa berý merzimderiniń oryndalmaýy jáne 15 jobany kelesi jylǵa aýystyrý táýekeli baıqalady.
О́ńirler arasynda ınvestısııa kólemi boıynsha Qaraǵandy (203,1 mlrd teńge), Aqtóbe (138,3 mlrd teńge) jáne Almaty (104,1 mlrd teńge) oblystary kósh bastap tur. Jobalar sany boıynsha Aqtóbe (23), Shymkent q. (21), Aqmola jáne Pavlodar oblystary (14) alda tur.
Talqylaý barysynda Albert Raý óńirlik partııalyq kýratorlar tarapynan ındýstrııalyq jobalardyń iske asyrylýyna monıtorıng júrgizý qajetin atap ótti.
«Indýstrııalyq jobalardy qazirgi qalyptan tys daǵdarys jaǵdaıynda iske asyrýdy jalǵastyrý – bizdiń ekonomıkamyzdyń ártaraptandyrylýy men ornyqtylyǵy úshin asa mańyzdy. Shekteý sharalaryna qaramastan, jobalardyń basym bóligi iske qosylatyny qýantady», - dep atap ótti partııalyq kýrator.
Otyrys qorytyndysy boıynsha Komıssııa Úkimet úshin birqatar usynymdar qabyldady. Olardyń ishinde: iske qosýǵa daıyn jobalardy iske qosý-retteýdi júrgizý úshin sheteldik mamandardyń kelýine kómektesý; karta jobalaryn irikteýdi, úılestirýdi jáne sapaly monıtorıng júrgizýdi, ýaqtyly paıdalanýǵa berýdi qamtamasyz etý maqsatynda biryńǵaı Indýstrııalandyrý kartasynyń tájirıbesine oralý bar.
Indýstrııa jáne ınfraqurylymdyq damý mınıstrligine Almaty qalasynda jalǵanbaǵan bolat qubyrlardy óndirý kezinde tek qazaqstandyq bolatty paıdalaný; sondaı-aq Shymkent qalasynyń ákimdigimen birlesip, jyl sońyna deıin metallýrgııa zaýytyn iske qosýdy qamtamasyz etý usynyldy.
Energetıka mınıstrligi «KEGOC» AQ janyndaǵy biryńǵaı esep aıyrysý-qarjy ortalyǵymen JEK jónindegi kartanyń iske asyrylatyn jobalaryna sharttar jasasýdy qamtamasyz etýi qajet.
