Rýhanııat • 24 Qarasha, 2020

Qamqor nıet qanat bitiredi

10 ret kórsetildi

Qaraǵandy oblysynda múmkindigi shekteýli azamattar­dyń muń-muqtajyna qulaq túrip, shetin máselelerine tereńirek úńilý maqsatynda mańyzdy is-sharalar qolǵa alyna bastady. Mysaly, budan bylaı óńirdegi qalalar men aýdandar ákimderiniń árqaısysynyń múgedek jandardyń problemalary boıynsha shtattan tys keńesshisi bolady. Bul keńesshilermen jumysqa arbaǵa tańylsa da ómirge degen qushtarlyǵyn joǵaltpaǵan jigerli jas Nııaz Súndetálıev jetekshilik etedi.

Nııaz Súndetálıevtiń ózi qazan aıynan beri oblys ákimi Jeńis Qasymbektiń shtat­tan tys keńesshisi qyz­metin atqaryp keledi.

– Oblys basshysynyń eń ózekti jáne pármendi usy­nystarynyń biri – Qara­ǵandy oblysynyń qala­lary men aýdandarynda múge­dektigi bar adamdar másele­leri boıynsha shtattan tys keńes­shilerdi taǵaıyndaý týraly sheshim boldy. Bul de­genińiz – qurǵaq sóz ben esep bere salý úshin jasalǵan nár­se emes. Bizdiń oblysta mú­gedektigi bar adamdar tur­ǵylyqty jerlerine qara­mas­tan, ózderine kómektese alatyn adamnyń telefon nó­mirin bilýi kerek, – deıdi bel­sendi jas.

Búginde múgedektigi bar bel­sendi azamattardyń, úki­mettik emes uıymdardyń jáne ákimderdiń usynysy bo­ıynsha taǵaıyndalǵan keńes­shiler óz mindetterin at­qarýǵa kirisip ketken. Mun­daǵy mańyzdy sharýanyń biri – múmkindigi shekteýli adam­dardyń máselelerimen aı­nalysatyn memlekettik or­gan­dardyń, úkimettik emes uıym­dardyń basshylary, belsendi azamattar men ke­ńes­shilerdiń ózderi bas qosa­tyn jerlerde únqatysý alańdaryn qura bilý kerek. Al jergilikti keńesshilerdiń óz jumystary týraly esep berýge mindettiligi bul qyz­mettiń jaýapkershiligin arttyra túsedi.

Qazirgi ýaqytta keńes­shi­ler turǵyndarǵa áleýmettik qyzmet­ter portaldyń qa­laı jumys isteıtinin jáne onyń ne úshin kerek eke­nin túsindirý syndy mańyz­dy sharýany qolǵa alǵan. О́ıt­keni múgedektigi bar adam ońaltýdyń tehnıkalyq qu­ral­­daryna, jeke kómek­shi­niń, ymdaý tili maman­dary­nyń qyzmetterine jáne sanatorıı-kýrorttyq emdelýge osy áleýmettik portal arqyly ǵana tikeleı tapsyrys bere alady.

Jalpy, shtattan tys ke­ńes­shilerdiń basty mindeti – qor­dalanǵan jáne týyndaǵan máselelerdi tezirek sheshýge yqpal etý. Múmkindigi shek­teýli jandarǵa qatysty jer­gilikti jerlerdegi proble­malar sheshimin tappaı jatsa, bul isti tyndyrý úshin óńir basshysy jetekshilik ete­­tin úılestirý keńesi kó­mek­­ke keledi. Al Úkimet deń­­­­­ge­ıin­degi shaǵyn jumys to­­­by zań­n­amalyq sıpattaǵy, nor­­­­matıvtik-quqyqtyq akti­ler­­diń, sondaı-aq mınıstr­lik­ter­diń jumysyna qa­tys­­­ty problemalarmen shu­ǵyl­­danady. Osy oraıda N.Sún­det­álıev­tiń Úkimet ja­nyn­daǵy úılestirý keńesi­niń múshesi ekenin de aıta ketken lázim.

Shtattan tys keńesshiler – júıeli túrde josparlan­ǵan úlken jumystyń basy ǵana. Mysaly, Qaraǵandy óńi­rin­de múmkindigi shekteýli jan­­­dar­dyń ómir súrý sapasyn jaqsartý úshin baǵdar­lama­lar ázirlenip, arnaıy áleý­mettik qyzmetter kór­seti­lip jatqany belgili. De­gen­men aqparatty jetkizý ja­ǵynan olqylyqtar bar. Al N.Súndetálıevtiń ózi shtat­­tan tys keńesshiler mú­ge­dek­tigi bar adamdar men mem­lekettik organdar ara­syn­daǵy «altyn kópirge» aı­nalýy tıis dep sanaıdy.

– Búginde bizdiń oblys­tyń barlyq keńesshisi aqpa­rat almasatyn, suraqtar qoıa­tyn, áleýmettik saıasat sala­syndaǵy jańalyqtardy tal­qylaıtyn ortaq chat quryldy. Bizdiń oblys Qazaqstannyń óńirlerine úlgi bolady dep úmittenemin. Múgedektigi bar árbir adam keńesshini jaq­s­y tanýy óz aldyna, oǵan kez kelgen máselemen tike­leı júgine alady, – deıdi N.Súndetálıev.

Qazirgi tańda Qaraǵandy oblysynda barlyǵy 67 510 múgedek bar eken. Shyn­­týaı­ty­na kelgende, múmkindigi shek­teýli osy jandardyń mań­daıyna soqqy bolyp tıip júrgen másele az emes. Qo­ǵamdy keń jaılaǵan mun­daı kókeıkesti problemalar­dy sheshý úshin keshendi túrde qarastyrylatyn qadamdar kerek. Al N.Súndetálıev syn­dy nıeti oń keńesshilerdiń bul iske qulshyna kirisýi qam­kóńil jandarǵa qanat bitirip, olardyń erteńgi kún búgingige qaraǵanda jaqsyraq bolýy tıis degen senimderin arttyra túsedi.

 

QARAǴANDY

 

Sońǵy jańalyqtar

Elbasy Beıbit Atamqulovty qabyldady

Elbasy • Búgin, 19:02

Memleket basshysy Alekseı Soıdy qabyldady

Prezıdent • Búgin, 17:08

Semeıge Saqtaǵanov ákim boldy

Taǵaıyndaý • Búgin, 16:21

Birneshe oblysta jol jabyldy

Qazaqstan • Búgin, 16:11

Aqsý qalasyna jańa ákim taǵaıyndaldy

Taǵaıyndaý • Búgin, 16:06

Jetisýda taǵy 78 adam indet juqtyrdy

Aımaqtar • Búgin, 12:32

Qazaqstanda aldaǵy úsh kúnde aıaz bolady

Aýa raıy • Búgin, 11:04

Jol apaty: Balqashta 2 adam qaza tapty

Aımaqtar • Búgin, 10:55

Qazaqstanda qansha advokat bary aıtyldy

Qazaqstan • Búgin, 10:44

Uqsas jańalyqtar