«Aýyldyqtar» da iske kiristi

Onlaın rejimde ótken jıynda «Aýyl» HDPP tóraǵasy Á.Bektaev kirispe sóz sóılep, úgit-nasıhat naýqanynyń negizgi basymdyqtaryn atap ótti.

Respýblıkalyq qoǵamdyq shtabtyń basshysy T.Rahymbekov shtabtyń daıyndyǵy týraly baıandady. Ortalyq saılaý komıssııasy men aýmaqtyq saılaý komıssııalarynda «Aýyl» partııasynyń partııalyq tizimi boıynsha, oǵan barlyǵy 625 adam depýtattyqqa kandıdat retinde resmı tirkeldi, onyń ishinde  Parlament Májilisine – 19 adam, oblystar men respýblıkalyq mańyzy bar Nur-Sultan, Almaty jáne Shymkent qalalaryna – 98 adam, oblystyq mańyzy bar aýdandyq jáne qalalyq qala­larǵa – 508 adam. Úgit-nasıhat naýqanyna 14 oblys ortalyǵy men respýblıkalyq mańyzy bar 3 qalada 17 óńirlik shtab óz jumysyn bastady. Sonymen qatar ár aýdan ortalyǵynda aýmaqtyq shtabtar ashyldy.

Is-shara barysynda partııanyń saılaýaldy baǵdarlamasy tanystyryldy (Baǵdarlamanyń tolyq mátinimen «Aýyl» par­tı­ıa­sy­nyń resmı saıtynda jáne áleýmet­tik jelilerdegi paraq­sha­laryn­da tanysýǵa bolady).

Úgit-nasıhat naýqany kezin­de onlaın rejiminde óńir­lerde saılaýshylarmen kezdesý­ler, aksııalar, debattar, fleshmobtar ótkiziledi. Ártúrli deń­geıdegi depýtattyqqa kandıdattar «Aýyldan aýylǵa» aksııasy sheńberinde shalǵaı aýyldy qamtı otyryp, árbir aýyl tur­ǵynymen kezdesedi jáne úgit-nasıhat jumystaryn júrgizedi.

Pandemııaǵa baılanysty úgit-nasıhat kezeńinde saılaý zańnamasynyń talaptaryn jáne sanıtarlyq-epıdemııa­lyq normalardy qatań saqtaý qajet­tigi óńirlerge eskertildi. Shtabtyń ashylý saltanatynan Facebook-tegi resmı akkaýntynda BAQ ókilderi úshin onlaın kórsetilim uıymdastyryldy.