Zertteýler barysynda zertteýshiler baılanysta bolǵan adamdardy baqylaý úshin arnaıy mobıldik qosymshany paıdalaný qatań shekteý sharalaryn qoldanbaı-aq, koronavırýstyń taralýyn tejeýge bolatynyn anyqtady.
Osyny anyqtaý úshin ǵalymdar ózderi oılap tapqan jańa tásildi – bólshekterge negizdelgen COVID-19 sımýlıatoryn qoldandy. Bul 2D kartasy, onda adamdar usaq bólshekter túrinde usynylǵan. Karta adamdardyń ornalasqan jerin, qozǵalý jyldamdyǵy men epıdemııalyq mártebesin eskeredi. Sonymen qatar ol adamda arnaıy mobıldik qosymshanyń bar ekenin kórsetedi, vırýsty juqtyrǵan adammen baılanys saldary týraly habarlaıdy, sondaı-aq COVID-19 testileý nátıjesin kórsetedi.
Model vırýsty juqtyrǵan jáne deni saý adamdardy ártúrli tústermen kórneki túrde kórsetedi. Adamdar epıdemııalyq jaǵdaıǵa (densaýlyq jaǵdaıyna) baılanysty ártúrli sanattarǵa bólinedi. Bul azamattarǵa 2D kartada vırýsty juqtyrǵandardyń jáne deni saýlardyń jalpy sanyn baqylaýǵa, ınfeksııanyń taralý jyldamdyǵyn qadaǵalaýǵa, sondaı-aq qabyldanǵan sharalardyń tıimdiligin naqty túsinýge múmkindik beredi.
О́z zertteýlerinde ǵalymdar kóktemde Italııada COVID-19 epısentrine aınalǵan Lombardııa aımaǵyndaǵy Lekko provınsııasynyń naqty málimetterine negizdeldi. Infeksııanyń taralý ssenarıılerin modeldeý barysynda ǵalymdar eki qarapaıym sharany – vırýsty juqtyrǵan adamdardyń baılanysyn baqylaý jáne halyqty jappaı testileýdi birlese qoldaný aýrý men ólim-jitimdi edáýir tómendetetinin anyqtady.
