Kúrshimdegi jabyq júzý basseıni aýdan turǵyndaryn qýanyshqa bóledi

Hosh delik. Kúrshim aýdanyn­da buqaralyq sport áý bastan­ jaq­sy jolǵa qoıylǵan. Mu­nyń sebebin, aýdan ákimi Dýlat Zaısanbekulynyń bala kezinen sportpen shuǵyldanyp, fýt­bol, jeńil atletıkamen shu­ǵyl­­­danýynan dep bilgen jón shyǵar. Aýdan sportyn uzaq jyl basqarǵan Zaısanbek Qajanov ony bala kezinen sportqa baý­lydy, jattyqtyrdy. Zákeń fýtboldan aýdan quramasyn jat­tyqtyryp, basqarǵanda zaı­sandyqtar qata­rynan bes jyl boıy oblysta chem­pıondyq ataq­ty eshkimge bermedi. «Zaısan fýtboly» degen kitabynda óńir­degi osy sport túriniń tarıhy jaıly keńinen aıtady.

Qazir munda Prezıdent Jol­da­ýynda aıtylǵan buqa­ralyq sport­pen 8 myńǵa tarta adam shuǵyl­danady. Sportpen shuǵyl­danýshylar sany 31,8 paıyzdy quraıdy. Aýdan bo­ıynsha 199 sport ǵımaraty, 35 sport zaly, 12 shaıbaly hokkeı qorapshasy, birneshe stadıon, sport keshenderi jumys istep tur. Endi mine, jabyq júzý basseıni el ıgiligine berildi.

Kúrshimdikter qýanysh qu­sha­ǵyn­da. Aýdan ákimi D.Qajanov, aýdan­dyq ardagerler keńesiniń tóraǵasy E.Aqtekenov, sport sala­synyń zeınetkeri N.Boby­leva, aýdandyq aqsaqaldar alqasynyń tóraǵasy N.Qaıyrov quttyqtaý sóz sóılep, saltanatty túrde jańa nysannyń lentasyn kesti. «Aýyl – El besigi» baǵdarlamasy aıasynda salynǵan 5 júzý jolaqty júzý basseın ǵımaratynda saýna, tamaq ishetin bólme (býfet), jattyǵý zaly bar. Atalǵan nysan júzý sportyn damytyp, halyq ıgiligine aınalar degen oıdamyz.

Ońdasyn ELÝBAI,

ardager jýrnalıst

Shyǵys Qazaqstan oblysy,

Kúrshim aýdany