Ult jáne táýelsizdik

Memleket basshysynyń bul tapsyrmalary – shyn máninde, el Táýelsizdiginiń 30 jyldyq mereıtoıynyń ıdeologııalyq kartasy. Búgin, ásirese Parlament Má­ji­lisine saılaý aıaqtalǵan kezde, bul min­detter aldyńǵy kezekke shyǵady, óıtkeni saıasatkerlerdiń jańa býynynyń aldynda ózekti reformalar paketin júzege asyrý mindeti tur. Olar táýelsizdik ıdeo­logııasyn naqty istermen toltyryp, is júzinde kórsetýi tıis.

О́ıtkeni Prezıdentimiz óz maqalasyn­da azat­tyqtyń 30 jylyndaǵy jetistik­terin atap ótip, bolashaqtaǵy baǵyt-baǵdarymyzdy tujyrymdady. Keńestik kezeńnen keıin jańa memleketti aıaǵynan turǵyzyp, saıası baǵytyn qalyptastyrǵan negizgi sátti reformalar men serpindi jobalar aýqymdy deńgeıde taldandy.

Jer, tarıh, ekologııa, qoǵam qundy­ly­ǵy, jastar tárbıesi men patrıotızm jáne memlekettik til, el birligi týraly ót­kir aıtqan ornyqty oı-pikirleri men jú­ıeli kózqarasy qoǵam tamyryn dóp basty.

Alashty alańdatqan birqatar ózekti má­se­­lege qatysty da sóz qozǵap, tıisti oryn­­dardyń aldyna naqty maqsattar qoıdy.

Bolashaqtyń bederinde basty nazar áleýmettik-ekonomıkalyq ólshemdermen qatar, qazaqstandyqtardyń keleshek urpaǵynyń gýmanıtarlyq, tarıhı-fılosofııalyq jáne áleýmettik paradıgmalaryna aýdarylǵan.

XXI ǵasyrda qazaqstandyq ult­tyq-mem­lekettik biregeılikti damytý men ny­ǵaıtýdyń jan-jaqty joly baǵdar­lanǵan.

Ári Qazaqstannyń Tuńǵysh Prezı­denti – Elbasy N.Á.Nazarbaevtyń «Rý­hanı jańǵyrý» qoǵamdyq sanany jań­ǵyrtý baǵdarlamasynda, 2014 jylǵy «Táýelsizdik tolǵaýynda» baıandal­ǵan ıdeıa­larynyń strategııalyq sabaqtas­tyǵyn kórip otyrmyz.

Elbasy «Táýelsizdik tolǵaýy» oı oram­­darynda «Bizdiń jańa Qazaq­stany­myz jaryq juldyz bolyp dúnıege keldi. ...Təýel­sizdik – san býyn babalardyń qa­sıet­­ti jerimizdiń ərbir qadamyn qorǵaý úshin tógilgen ólsheýsiz qany men teriniń óteýi.

Táýelsizdik – biregeı tarıhy men máde­nıeti bar, memlekettik tilin jáne bar­lyq qazaqstandyqtardyń etnostyq til­derin qurmetteıtin halqymyzdyń myz­ǵy­mas birligi», dep tereń tolǵaǵan bolatyn.

Bul turǵyda Memleket basshysy Qasym-Jomart Toqaev «Osynaý tolaǵaı tabystardyń bárine Elbasynyń dara kóshbasshylyǵynyń hám halqymyzdyń danalyǵy men parasatynyń, birligi men yntymaǵynyń, otandastarymyzdyń qa­jyrly eńbeginiń arqasynda qol jet­kizdik. Sondyqtan Elbasy táýelsiz­digi­mizdiń máńgi sımvolyna aınaldy desek, aqıqatty aıtqan bolar edik», dep naqty atap ótti.

Prezıdent maqalasyndaǵy táýel­sizdik taqyryby – qazirgi rýhanı azat jáne derbes halqymyzdyń ulttyq ózin­dik meni men múddesin damytý taqyryby. Mine, sondyqtan egemendiktiń tórtinshi onjyldyǵynyń basty maqsaty – qýatty memleket qurý jáne básekege qabiletti ult bolý.

Memleket basshysy oǵan qol jetkizý­degi negizgi baǵyttar retinde saıası-ekono­mıka­lyq reformalar men qoǵamdyq sanany jańǵyrtý úderisin aıryqsha atap kórsetedi, munda eń bastysy – zamana talabyna beıimdelgen sapaly jańa ulttyq biregeılik.

Bul tujyrymnyń arqaýynda ádilet­ti qoǵam men tıimdi memleket, áleýmet­tik ádi­let­tilik pen ashyq memleket qaǵı­dattary tur.

Bul qadam jer júziniń kez kelgen halqynyń biregeıligine syzat túsiretin, azamattardy óziniń arbaýyna ońaı túsirip, jete­ginde alyp ketetin jahandaný zama­nynyń jańa syn-qaterlerine qarsy turý úshin asa mańyzdy.

Totalıtarlyq júıeniń taýqymetin keshe ǵana bastan keshken bizdiń halqy­myz úshin bul óte qaýipti bolady. Mine, sondyqtan Prezıdent: «jańa za­man­nyń jaqsy-jamanyn ekshep, artyq­shy­lyqtaryn boıǵa sińirýmen qatar, tamyrymyzdy berik saqtaýymyz qajet. Ulttyq bolmysymyzdan, tól mádenıetimiz ben salt-dástúrimizden ajyrap qalmaý – barlyq órkenıetter mıdaı aralasqan alasapyranda jutylyp ketpeýdiń birden-bir kepili» dep aqyl tarazysyna saldy. Bul mindetti sheshýde qazaq qoǵamynyń da, búkil qazaqstandyq qoǵamnyń da biregeıliginiń bazalyq negizi retinde jalpyulttyq tarıhı bilim men sanany qalyptastyrýǵa basty ról berilgeni kezdeısoq emes.

Búgingi tańda biz táýelsizdiktiń alǵash­qy kezeńinde ter tókken aǵa býyn men Qazaqstandy árqashan táýelsiz bolǵandaı sanaıtyn jas býynnyń dúnıetanymyn biriktirý qajettiligin baıqap otyrmyz.

Jas qazaqstandyqtar elimizdiń tarıhı tájirıbesiniń baı murasyn zerdelep, myńdaǵan jyl buryn bizdiń ata-babalarymyz Eýrazııanyń orasan zor aýmaǵyn ıgerip, onyń ortalyq bóli­ginde qazirgi zamanǵy Qazaqstan qalaı qu­rylǵanyn, táýelsizdikke qandaı qıyn­­dyq­tarmen qol jetkizilgenin, XIX ǵasyr­dan bastap aýqymdy masshtabta, ásirese Ekinshi dúnıejúzilik soǵys jyldarynda qazirgi egemen Qazaqstannyń birtutas halqyn quraıtyn kóp etnosty halyqtyń qalyptasý saıasatyn bilýi tıis.

Bul rette buryn qasaqana burmalan­ǵan nemese búrkemelengen kóptegen tarıhı faktiler men oqıǵalar ǵylymı turǵyda shynaıy súzgiden ótip, kóp­shilikke qoljetimdi bolýy jáne túsinikti túrde berilýi asa mańyzdy.

Memleket basshysy «Táýelsizdik jyl­daryn­da birneshe ret qolǵa alynǵa­ny­na qaramastan, ulttyq múddemizge saı keletin kóp tomdyq jańa tarıhy­myz áli tolyq jazylǵan joq. Onyń tujy­rymdamasyn buǵan deıingi olqy­lyqtardy eskere otyryp qaıta qarap, jańa ǵylymı ustanymdar men jańalyqtardyń negizinde tyńnan jazatyn ýaqyt áldeqashan kel­di. Barlyq oqýlyqtar osyndaı irgeli eń­bekke negizdelip ázirlenedi. Bul – ult she­jiresin dáripteý turǵysynan al­ǵanda strategııalyq mańyzy bar másele. Sondyqtan Qazaqstannyń akademııalyq úlgidegi jańa tarıhyn jazýdy dereý bas­taý kerek. Túptep kelgende, tarıhı sanany jańǵyrtý máselesiniń túıini – osy. Bul iske bedeldi tarıhshylarymyzdy tartý qajet» dep basa nazar aýdardy.

О́tkendi obektıvti túrde qaıta jań­ǵyrtý, tarıhı baǵamdar men túsindir­meler­ge beıtarap taldaý jasaý, jańar­tylǵ­an derektanýlyq baza ázirleý – tarıh týraly oqýlyqtardyń jańa tolqynynyń jetekshi qaǵıdattary bolýy tıis. Bul jas qazaqstandyqtardyń bilimin durys júıe­leýge, olardyń jalpy­adamzattyq qaǵı­dattarǵa kóz­qarasyn nyǵaıtýǵa, tolerant­tylyqqa, halyqtar arasyndaǵy ózara túsi­nistikke, ulttyq rýhqa, patrıotızm­ge baılanysty qundylyq baǵdarlaryn qalyptastyrýǵa yqpal etetin bolady.

Aıta ketý kerek, bul másele boıynsha bul birinshi ret berilgen tapsyrma emes, sondyqtan keıinge qaldyra beretin ýaqyt joq. Sebebi «ulttyq múdde turǵysynan jazylǵan tarıh ulttyq ózindik sana-sezimniń oıanýyna yqpal etedi» dep oryndy atap kórsetilgen.

Bizdiń halqymyzdy toptastyratyn ortaq qundylyqtar – qoǵamnyń qýatty biriktirýshi faktory.

Memleket basshysy olardyń ishindegi eń bastysy retinde belgili tarıhshy S.Klıashtornyı tujyrymdaǵandaı, qazaq halqynyń memlekettiligi keminde úsh myń jyl boıy qurylǵan, «babalardan mura bolǵan qasıetti jerimizge» toqtalyp, ony bizge eshkim «syıǵa tartqan joq» dep kesip aıtty.

Prezıdent sózinen biz Qazaqstannyń terrıtorııasyna qatysty keıbir sheteldik qaıratkerler aıtyp júrgen óte óresiz jáne negizsiz málimdemelerine berilgen jaýapty anyq kóremiz.

«Qazaqstannyń ekijaqty kelisimder­men bekitilip, halyqaralyq deńgeıde tanylǵan shekarasy bar. Endi oǵan eshkim daýlasa almaıdy»!

Bul – budan buryn aıtylǵan jáne aldaǵy ýaqytta aıtylýy múmkin osyndaı málimdemelerge berilgen naqty jaýap. «Jalpy, tarıhpen saıasatkerler emes, tarıhshylar aınalysýy kerek».

Meniń oıymsha, Qazaqstan men Reseı arasyndaǵy jer máselesin, memlekettik shekara týraly sóz etkende tarıhı kýálikterdi de esten shyǵarýǵa bolmaıdy.

Eki eldi bólip turǵan shekara dúnıe júzindegi qurlyqtaǵy shekara bolyp tabylady jáne ony delımıtasııalaý men demarkasııalaý jumystary halyqaralyq-quqyqtyq tájirıbede buryn-sońdy kezdespegen qubylys edi. Kórshiles memleketterdiń shekara máselesin shegendeýdi qolǵa alýy 1998 jylǵy 12 qazanda Qazaqstan men Reseı prezıdentteri Almatyda Qazaqstan Respýblıkasy men Reseı Federasııasy arasyndaǵy Memlekettik shekarany delımıtasııalaý týraly hattamaǵa qol qoıýdan bastalǵany kúni keshegi tarıhymyzdan belgili. Osy qujatqa sáıkes Úkimet deńgeıindegi delegasııalar 1999 jyldyń sońyna qaraı kelissózge kiristi. Qazaqstan-Reseı shekarasyn belgilep jáne ony kartaǵa túsirý batystan – Edil ózeniniń tómengi aǵysynan bastalyp, 2005 jyldyń qańtarynda shyǵysta – Altaı taýynyń Ońtústik Altaı jotasynda aıaqtaldy. Kóp keshikpeı 2005 jyldyń 18 qańtarynda Máskeýde memleket basshylary Qazaqstan-Reseı memlekettik shekarasy týraly Qazaqstan Respýblıkasy men Reseı Federasııasynyń arasyndaǵy shart­qa qol qoıdy. Búginde eki el arasyn­daǵy shekaranyń jalpy uzyndyǵy 7591 shaqy­rymdy quraıdy. Bul álemdegi eń uzyn shekara. Qazir kórshi elder arasyn­daǵy osynaý shekara dostyq pen tatý kórshi­liktiń de beldeýine aınalyp otyr.

Sonymen qatar, Memleket basshysy bizdiń aýmaqtyq tutastyǵymyzǵa kúmán­danyp, tatý kórshilik qatynasy­myzǵa sy­zat túsirgisi keletin arandatýshylyq má­lim­demelerge qatysty jańa ustanymdy atap ótti. Bul qalyń jurtshylyq atynan ǵana emes, resmı deńgeıde de ja­ýap boldy, son­daı-aq ulttyq múddelerdi dıploma­tııa arqyly ǵana emes, qatań pozısııa­lar ar­qyly da qorǵaýǵa daıyn ekenin bildirdi.

Sol arqyly basqa elderdiń aýmaqtyq tutastyǵyna kúmán týdyrǵan jáne ege­mendigin qurmetteý máselelerine sal­ǵyrttyq tanytqan álemniń jetekshi oıynshylarynyń keleńsiz, saldary ózderi úshin qaýipti bolatyn keýdemsoq kózqarastary úshin der kezinde berilgen toıtarys deýge de bolady.

Osy rette 2020 jylǵy 16 jeltoqsanda Reseı Federasııasynyń Prezıdenti V.V.Pýtın búkil álem memleketteriniń basshylarymen qatar ulttyq mereke – Táýelsizdik kúnine oraı Prezıdent Q.K.Toqaevqa quttyqtaý jedelhatyn jol­daǵany oryndy boldy. Reseı memle­ketiniń basshysy óz hatynda «Reseı men Qazaqstan arasyndaǵy strate­gııa­­lyq áriptestik pen odaqtastyq qaty­nas­­tarynyń tabysty damýyn qanaǵat­tanar­lyq» dep atap ótti. Reseı basshylyǵynyń bul resmı ustanymy, árıne, búkil Reseı halqynyń Qazaqstanǵa degen izgi qurmeti men syılastyǵyn kórsetedi.

Prezıdenttiń maqalasynda kóteril­gen taǵy bir basty másele – óz jerimizge degen janashyrlyq kózqaras, jerdi utymdy paıdalanýǵa jáne qorǵaýǵa daıyn bolý.

Jerge degen kózqaras tek menshiktený, paıdalaný máselelerine ǵana baılanysty emes, sonymen birge onyń ekologııalyq qaýipsizdigi, balalar men eresekterdi týǵan eldiń tabıǵatyna uqypty qaraýdy tárbıeleý sııaqty asa mańyzdy mindetti alǵa tartady.

Memleket basshysy halyqtyń etnode­mo­grafııalyq jaǵdaıyn teńestirý úshin jáne eldiń ulttyq qaýipsizdigin qamta­ma­syz etý maqsatynda eldiń soltústigi men shyǵysynyń shekaralas aýdandaryn jıi qonystandyrý qajet ekenine kóńil bóldi.

 Prezıdent halyqqa arnaǵan alǵashqy Joldaýynda «Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi dep esepteımin» deı kele, memlekettik til mundaı dárejege jetý úshin bárimiz dań­ǵaza jasamaı, jumyla jumys júrgizýimiz kerektigine basymdyq bergen edi.

Memlekettik til týraly ustanymyn bıylǵy Joldaýynda da, osy baǵdarlama­lyq maqalasynda da taǵy bir márte naq­tylap ótti.

Qazaq tilin biriktirýshi faktor retinde qalyptastyrý úshin búgingi tańda barlyq quqyqtyq negizder qalyptastyrylǵanyn aıta kele, ony meńgerýge talpynatyn adamdardyń ózderiniń nıeti men ynta­sy jáne osy maqsatqa jetý úshin jaǵ­daı jasaıtyn Úkimet týraly másele kóter­di. Osy turǵyda balalar ádebıetiniń róli, sheteldik jazýshylardyń úzdik shyǵar­malaryn aýdarý, basyp shyǵarý jáne taratý tapsyryldy.

Qazirgi qoǵamda qazaq tilin oqytýshy­lardy – kásibı kadrlar daıarlaý deńgeıine, mektepter men balabaqshalarda oqytý úshin tıimdi bilim berý quraldaryn ázirleý qajettiligine, halyq arasynda memlekettik tildi meńgerý perspektıvalary týraly túsindirý jumystaryn júrgizýdiń mańyzdylyǵyna, sondaı-aq qazaq tilin oqytý ortalyqtary týraly aqparatty taratýǵa, memlekettik tilde ótetin túrli is-sharalarǵa múmkindiginshe qatysýshylardy barynsha belsendi tar­týǵa baılanysty máseleler únemi tal­qy­lanady. Biz budan árbir azamattyń jáne árbir uıymnyń qoıylǵan mindet­terdi iske asyrýdaǵy strategııalyq jaýap­kershiligin kórip otyrmyz.

«Ana tilimizdi keńinen qoldaný – basqa tilderge, ásirese orys tiline shekteý qoıylady degen sóz emes. Barsha etnos ókilderiniń ana tilin, salt-dástúrin damytýǵa múmkindik jasala beredi. Jastarymyz birneshe til bilý ózderiniń kókjıegin keńeıtip, kókirek kózin oıatatynyn jete túsingeni abzal» degen sózi etnostar arasynda qyzý talqylanyp, túrli usynystaryn jetkizýde.

Ásirese qazaq tilin erkin meńgergen etnos jastarynyń belsendiligine qaraı otyryp, Qazaqstannyń Tuńǵysh Prezı­denti – Elbasy, Qazaqstan halqy Assamb­leıasynyń Tóraǵasy Nursultan Nazarbaev «Qazaq tili barshany birikti­retin, jastardy jaqyndastyratyn tatýlyq tiline aınalýǵa tıis» degen sóziniń iske asa bastaǵanyn kórip júrmiz.

Sondyqtan búginde Qazaqstan halqy Assambleıasy etnostyq toptar arasynda memlekettik tildiń naǵyz nasıhattaýshysyna jáne taratýshysyna aınaldy deýge negiz bar. Bizdiń etnostardyń tilderi men mádenıetin damytýǵa qolaıly jaǵdaı jasaý maqsatynda Dostyq úılerinde til kýrstary jumys isteıdi, ádistemelik keshender ázirlendi. Qazaq tilin meńgerýdiń jańa ádistemeleri boıynsha trenıngter, til úırený mektepteri ótkiziledi. Qazaq tili arqyly qazaq mentaldyǵyn­daǵy túrli etnostardyń mádenıeti men qundylyqtar aýqymyna boılaý júrip jatyr. Mysaly, «Uly dalanyń ultara­lyq tili» jáne «Qazaqtaný» jobalary dál osy mindetti sheshýge baǵyttalǵan.

Sonymen qatar Qazaqstan halqy Assamb­leıasy Hatshylyǵynyń bastama­sy boıynsha mamandar toby «Dana­lyq álip­pesi» jáne «Abaı» biregeı ınteraktıvti keshenderin daıyndady. Atalǵan ázirle­meniń tehnıkalyq sheshiminiń negizinde TMD keńistiginde balamasy joq biregeı it-ınnovasııa qoldanyldy. Qazaq mádenı murasyn (ertegiler mátinderi, kúıler nota­lary, poetıkalyq shyǵarmalar jáne t.b.) keshendi qamtıtyn, syrt kózge ádet­tegi baspadan shyǵarylǵan kitaptar­dan esh aıyrmashylyǵy joq chıpti matrı­salar qatary daıyndaldy. Oǵan marker formatyndaǵy arnaıy oqý qu­ryl­ǵysy qosa beriledi, ol mátindik chıptik keskin­men júrgizgen kezde jazylǵan mátindi, mýzykalyq týyndylardy dybystaıdy.

Interaktıvti keshendi paıdalaný tipti mektep jasyna deıingi balalar úshin de óte ońaı. Onyń qoldanylý aıasy keń jáne alýan túrli: qazaq halqynyń ádebıet, poezııa, halyq aýyz ádebıetin – óleńder, ertegiler, ańyzdar, ápsanalar; mýzykalyq muralaryn – kúıler, ánder, arnaý, aıtys sııaqty rýhanı álemin el ishinde jáne shetelde nasıhattaý jáne zerdeleý; barlyq deńgeıdegi bilim berý mekemelerinde (mýzykany, memlekettik tildi úıretý, onyń ishinde kórý qabileti nashar balalardy oqytý) paıdalaný; QHA-nyń «Qazaqtaný» jobasy aıasynda Qazaqstan etnostaryn, sondaı-aq halyqtyń barlyq toptary men eńbek ujymdaryn qazaq halqynyń mádenıeti men qazaqy qundylyqtarǵa tartý; múgedekter men kórý qabileti nashar adamdardyń oqýyna kómek kórsetý.

Qazaqstan Respýblıkasynyń Tuńǵysh Prezı­denti – Elbasy N.Á.Nazarbaev «Dana­lyq álippesi» keshenimen tanysyp, onyń alǵysózinde: «Innovasııalyq tehno­lo­gııalar negizinde jasalǵan «Dana­lyq álippesi» oı-órisińizdi keńeıtedi. Halqymyzdyń qundy muralary arqyly sheshen sóıleý qabiletińizdi ashyp, sizdiń baǵa jetpes rýhanı quralyńyzǵa aınalady» dep qalam terbedi.

Búginde Assambleıa bul quraldy eli­miz­diń mádenı jáne bilim berý keńisti­gine belsendi túrde ilgeriletýde. Atap aıtqanda, ınnovasııalyq tehnologııa­lar­dy paıdalaný Prezıdenttiń «Memlekettik tildi bilý – Qazaqstannyń árbir azamaty­nyń paryzy men mindeti» degen tapsyrmasyn oryndaýǵa múmkindik beredi.

Qashyqtan oqytý formasy qalyptas­qaly qazaq tilinde bilim alatyn ózge etnos jastary jáne mektep oqýshylary men joǵary oqý oryndarynyń stýdentteri óz aldyna izdený úshin qazaq tilindegi resýrstardyń jetkiliksizdigin jıi aıta bastady. Oqytýshylar men stýdentter tarapynan ınternet ónimderine táýeldilik artty. Qazaq tilinde bilim alý úshin jaqsy basylymdar jetispeıtini, sapaly ınternet-oqýlyqtardyń qol jetimsizdigi belgili boldy. Aldaǵy ýaqytta osy olqylyqtardyń ornyn toltyrý úshin barlyq JOO óz stýdentterin tolyq qamtamasyz etý maqsatynda elektrondy oqýlyqtar men qajetti aqparattar bazasyn jasaqtaýy tıis dep esepteımin.

Memleket basshysy qazaq halqynyń baýyrmal halyq retindegi rólin aıryqsha atap ótkenin de aıtý mańyzdy, sebebi qazaq hal­qy qıyn-qystaý zamanda eshkim­di de shet­ke qaqpaı, qushaǵyna basyp, kómek­tese bildi. Qazaqstan halqy Assamb­leıasy bar­shaǵa teń jaǵdaı men damý múmkin­dik­terin jasaı otyryp, osy mindetti oıdaǵy­daı sheshýge qomaqty úles qosýda. Al hal­qy­myzdyń myzǵymas birligi – jarqyn bo­lashaqqa aparatyn birden-bir dańǵyl jol.

Etnosaralyq kelisimdi saqtaý mindeti de jańasha qoıyldy, bul – memlekettik organdardyń ǵana emes, búkil qoǵamnyń, árbir azamattyń derbes jaýapkershiligi.

Biz shoǵyrlandyrýshy, biriktirýshi fak­tor­lardy – ortaq qundylyqtardy, ıdeıa­lar­dy kóbeıtip, barlyq azamat­tardyń sana­syn­­da bekitýimiz kerek. «Búkil qoǵamdy uıys­­ty­ratyn qundylyq­tar neǵurlym kóp bol­sa, birligimiz de soǵurlym bekem bola­dy»,  Prezıdenttiń bul úndeýi birtu­tas ult­qa – myqty ári jaýapty adamdar­dyń ul­ty­na, bolashaǵy birtutas ultqa baǵyttalǵan.

Memleket basshysy Qasym-Jomart Toqaev táýelsizdik ıdeolo­gııasynyń basty arqaýy retinde patrıo­tızm taqyrybyn ár adamnyń ózi­niń eli men halqyna kúndelikti qyzmet etýi dep túsindiredi. Adam tıisti bilim men tárbıe alǵan kezde óziniń azamat­tyq bolmysyn qalyptastyra otyryp, patrıot bolady. Árbir azamattyń jeke maqsat­tary men múddeleri qoǵam ıgiligine, eldiń damýyna qosatyn úlesine saı bolýy kerek. Memleket basshysy patrıotızmniń jasampazdyq qudiretke ıe ekenin, al táýelsizdiktiń araıly aq tańy kúndelikti qajyrly eńbekpen, úzdiksiz ári dáıekti saıasatpen baılanysty ekenine toqtaldy.

О́ziniń baǵdarlamalyq maqalasynyń sońynda Prezıdent jahandyq álemde qýat­ty jáne táýelsiz memleketke arqa sú­ıeýi arqyly ǵana ultymyzdyń aman qala­ty­­nyn atap ótti. Bul – ózgermeı­tin aqı­qat. Sondyqtan Táýelsizdiktiń 30 jyl­dy­ǵy jylynda memleket pen qoǵam­nyń bas­ty urany, ıdeologııalyq ustanymy «Tá­ýel­sizdik bárinen qymbat» bolýy tıis.

Bizdiń ortaq mindetimiz – osy urandy naqty ekonomıkalyq, áleýmettik, ǵylymı, aǵartýshylyq jáne mádenı is­ter­men tolyqtyrý jáne halyqtyń bir­li­gin táýelsizdigimizdi senimdi qorǵaı ala­tyndaı jańa deńgeıge kóterý.

Janseıit TÚIMEBAEV,

Qazaqstan halqy Assambleıasy Tóraǵasynyń orynbasary – Qazaqstan Respýblıkasy Prezıdenti

Ákimshiliginiń QHA Hatshylyǵy meńgerýshisi