Aımaqtar • 13 Qańtar, 2021

Túrkistan sıfrlanyp jatyr

30 ret kórsetildi

Túrkistan qalasyndaǵy «Halyqty jumyspen qamtý ortalyǵynda» buǵan deıin uzyn-sonar kezekten kóz súrinetin. Ortalyq qyzmetkerleri de, qyzmet alýǵa kelgen halyq ta júıkeleri sharshap, narazy keıippen bir-birine shaǵym aıtyp jatatyn. Endi ortalyq tolyqtaı robot-beınekameralardyń baqylaýyna kóshken soń onyń keń zaly qulaqqa urǵandaı typ-tynysh. Kezek atymen joq. Servıs qyzmetkerleri de, tutynýshylar da bir-birimen sybyrlasa sóılesedi. Sebebi, sizdi osyndaǵy ár qyzmetkerdiń aldynda turǵan 18 kamera baqylap otyr. Bul sybaılas jemqorlyqty, qyzmet alýshy men qyzmet berýshi arasyndaǵy jeń ushynan jalǵasýdy joıý maqsatynda atqarylyp otyrǵan ońdy shara.

Baıqap otyrmyz, 15 mınýtqa jetpeı tutynýshy sharýasyn bitirip ketip jatyr. Osynyń barlyǵyn baqylap, qadaǵalap otyrǵan – menedjerdiń aldyndaǵy judyryqtaı kamera. «Aqyldy» kamera eki jaqtyń da beıneáńgimesin ortaq serverge taspalap jazyp alýda. Tipti, muny sizben ere kelgen týysyńyz http://www.turkistan2020.kz saıty arqyly sol jerde otyryp-aq óz smartfonynan tikeleı baqylaı alady.

Qosylǵanyna 20 kúnnen endi ǵana asqan júıede búginge deıin 10 207 ótinish qabyldanyp, onyń 10 141-i oń sheshimin taýypty. Qalǵan 66 ótinim boıynsha tıisti jumystar júrgizilýde.

Bir qyzyǵy, munda menedjer qyzmeti baqylanyp qana qoımaı, sıgnaldy daýys jazý qurylǵysy arqyly mamandardyń is-áreketine tıisti «tártip» engizilip otyrady eken. Máselen, tutynýshy áldebir menedjerdiń aldynda 15 mınýttan uzaqtaý otyryp qalsa, ne bolmasa qyzmet kórsetýshi 15 mınýttan artyq jumys ústelinde bolmaı qalsa, beınekamera sıgnal berip, menedjer dereý basqa qyzmetkermen almastyrylady. Tipti, kamera menedjerdiń sharshańqy kóńil-kúıin de «sezip» otyrady eken.

«Qazir bir aı boıy osynda kelgen qyzmet alýshylardyń sanyn tirkep, «tutynýshy legi» saraptama monıtorıngin júrgizip jatyrmyz, – deıdi Túrkistan qalalyq ákimi apparatynyń jetekshisi. – Eger qyzmet alýshylar sany arta bastasa qosymsha qyzmetkerlerdi jumysqa jumyldyrý mehanızmi qarastyrylǵan. Sol sııaqty tutynýshylar azaıa bastasa, qyzmetkerler sanyn qysqartý oılastyrylǵan. Bul kadrlyq sheshim qabyldaýǵa ońtaıly júıe bolǵaly otyr».

Jańa sıfrlyq júıe ortalyqqa kelýshi sanyn sanaý analıtıkasy, bir jerde kóp shoǵyrlanǵan adamdardy izdeý analıtıkasy, umytylǵan zattardy tabý analıtıkasy, ár qyzmetkerdiń jumys tıimdiligin sanaý analıtıkasy jáne kezek detektory men sabotaj detektory sııaqty birneshe qyzmet túrlerin bir ortalyqqa biriktirip otyr.

Bir qyzyǵy, osy málimetterdiń barlyǵy Túrkistan qalasy boıynsha «109» biryńǵaı baılanys ortalyǵynyń telegramm-botynda habarlama túrinde tirkelip, ortalyq sarapshylary tarapynan turaqty qadaǵalanyp otyrady. Munyń ózi, bir esepten, ákimshilik bólimderiniń, ákim orynbasalarlarynyń, ákimniń óziniń qyzmet reıtıngin saraptap otyrýǵa múmkindik beretin jaqsy bir júıe.

Qala ákimi Rashıd Abatuly aldaǵy ýaqytta bul júıeni búginge deıin 60 myńnan astam qoldanýshyny jınap úlgergen «Amazing Turkistan» anyqtamalyq mobıldi qosymshasyna biriktirip, týrıster úshin de qolaıly bir sıfrlyq múmkindikterdiń bolýy qarastyrylyp jatqanyn aıtady.

Prezıdentimiz Q. Toqaev tapsyrǵandaı, «Halyq únine qulaq asatyn memleket» tujyrymdamasy aıasynda atqarylyp jatqan Túrkistan qalasyndaǵy «Ashyq ákimdik» júıesi, mine, osyndaı.

Bekjigit SERDÁLI,

jýrnalıst

Túrkistan qalasy

Sońǵy jańalyqtar

Kobıdiń qazasy

Sport • Búgin, 10:47

Dańqty Ýeın Gretskı 60 jasqa toldy

Hokkeı • Búgin, 10:45

Qazaqstannyń 8 óńiri «qyzyl» aımaqta tur

Koronavırýs • Búgin, 10:21

SQO-da qyzy ákesin tonap ketken

Aımaqtar • Búgin, 09:45

Ázerbaıjanda jarylys boldy

Álem • Búgin, 09:36

Pnevmonııadan 3 adam qaıtys boldy

Koronavırýs • Búgin, 09:33

Bazalyq mólsherleme belgilendi

Qarjy • Búgin, 07:51

Ústel tennısi úmitti úkileıdi

Aımaqtar • Búgin, 07:38

Kúshikbaı batyrdyń kisesi

Rýhanııat • Búgin, 07:36

Bir táýlikte 219 naýqas tirkeldi

Aımaqtar • Búgin, 07:32

О́ńir taǵy da «qyzyl aımaqqa» endi

Aımaqtar • Búgin, 07:31

Shaǵannan nege shý shyqty?

Aımaqtar • Búgin, 07:24

Pangolın zaýaly

Álem • Búgin, 07:22

Dári-dármek qory jetkilikti

Aımaqtar • Búgin, 07:21

Esim aýystyrý – sán emes

Qoǵam • Búgin, 07:20

Qor bırjasyndaǵy qońdylar

Qarjy • Búgin, 07:13

Ýeın Gretskı – 60 jasta

Oqıǵa • Búgin, 07:00

Memleket basshylary da shet qalǵan joq

Medısına • Búgin, 06:58

Vaksınalaý: úmit pen kúdik

Qoǵam • Búgin, 06:57

Qaz­Covid-in sáýirde daıyn bolady

Medısına • Búgin, 06:56

Vaksına kimderge salynady?

Suhbat • Búgin, 06:53

Erkeleýdi úıretken «Eralash»

Rýhanııat • Búgin, 06:52

Narsıss janaryndaǵy aıdyn

Rýhanııat • Búgin, 06:50

Zeınetaqy qarajaty: Reforma ilgeri basty

Ekonomıka • Búgin, 06:50

Bekzat minez (esse-portret)

Rýhanııat • Búgin, 06:47

О́nerkásipke óris ashqan qurylym

Saıasat • Búgin, 06:44

Oqýshy neden kóz jumdy?

Qoǵam • Keshe

Uqsas jańalyqtar