Biz úshin bárinen qymbat

Táýelsizdik – ulttyq qundy­lyq­tarymyzdyń ulyǵy, alash jur­tynyń azat el ekenin álemge aıǵaq­taıtyn qasıetti uǵym. Táýel­sizdik jyldary elimiz tu­raq­tylyqty, halyqtyń aýyzbir­shiligin irgetas etip qalap, birligi bekem el retinde alǵa qa­dam bas­tyq. Álemge beıbit­shi­liktiń jarshysy, ıgi isterdiń bas­tamashysy retinde tanyldy. Ult tatýlyǵy, ulystar birligi álem­ge úlgi boldy. Bul bizdiń táýel­sizdik jolynda jetken úlken jetistigimiz.

Osy maqalada Prezıdentimiz: «Bıyl áıgili Jeltoqsan oqıǵa­syna 35 jyl tolady. 1986 jyly órimdeı ul-qyzdary­myz Keńes Odaǵynyń qahary­nan qaı­myqpaı, ult namysy úshin alańǵa shyqty. Osy kúnnen soń týra bes jyl ótkende Táýelsizdigimizdi jarııalaýymyzdyń sımvoldyq máni zor. Bul oraıda azattyqtyń alǵashqy qarlyǵashtary – Jeltoqsan qaharmandarynyń aza­mat­tyq erligi laıyqty baǵa­syn alyp, josparly túrde nasıhat­talýy kerek. Biz jyl sońyna deıin jańa tarıhymyz­daǵy birneshe aıtýly oqıǵanyń me­reıli belesin atap ótemiz» degen sózi elimizdegi barsha jel­toq­san ardagerleri men olardyń otbasylaryna zor qoldaý boldy.

«Jyly sóz janǵa shýaq, boı­ǵa qýat syılaıdy» degen tegin­nen tegin aıtylmasa kerek. Sonymen qatar maqalada ótke­nimiz ben kele­shegimiz týraly tolǵanarlyq tal­daý, bolashaqta baǵamdar ba­ıypty baǵyttar sil­tegendeı áser beredi. Bıyl­ǵy jyldary atqa­rylatyn aý­qymdy jumystar men tyń bas­ta­malardyń basynda turǵan Prezı­dentimizdiń serpindi sergek oıy el jurtshylyǵyna tyńnan kúsh bergendeı boldy.

Sonymen qatar Qasym-Jomart Toqaev «Ulttyq bolmy­symyzdan, tól mádenıetimiz ben salt-dástúrimizden ajyrap qalmaý» úshin «tamyrymyz­dy berik saqtaýǵa» baǵdarly baǵyt­tar kórsetedi. «Mádenı mura» baǵdarlamasyn jalǵastyrý, «Naýryz» merekesin jańa sıpatta, jańasha úlgide jan-jaqty nasıhattaý – el erteńi jastarǵa júktelgen mańyzdy qadam. Bul baıypty bastamalarǵa jel­toq­san ardagerleri retinde biz­ de qoldap, qýattap qosy­lamyz. Táýelsizdik týyn nyq ustaǵan otandastarymyzǵa aıtarymyz, denderińizge saýlyq, otbasylaryńyzǵa amandyq tileımin. Elimiz aman, aspanymyz ashyq, memlekettigimiz máńgi, táýelsizdigimiz tuǵyrly bolsyn! Biz úshin táýelsizdik – bárinen de qymbat!

Maqsat JEŃISULY,

Sozaq aýdandyq «Jeltoqsan ardagerleri» qoǵamdyq bir­le­stiginiń tóraǵasy

Túrkistan oblysy,

Sozaq aýdany