Búgingi Prezıdenttiń sózinde adam quqyǵy týraly da aıtyldy. Adam quqyǵy týraly kóp zańnyń qabyldanýy, adam quqyǵyna biz qandaı is-sharalar qoldanýymyz kerek, qandaı jobalar qabyldanýy kerek? Osy týraly Qasym-Jomart Kemeluly naqty aıtyp ótti. Al endi osynyń bári ary barǵanda adamı kapıtalǵa kiredi. Ol degenimiz Prezıdenttiń tapsyrmasy boıynsha ulttyq joba ázirlenýi tıis degen sóz. Eń bastysy, bizdiń bilim salasynda sapaǵa kóńil bólý kerek. Álemdik trendqa súıene otyryp, ózimizdiń ulttyq júıeni, ulttyq bilim salasyn jaqsartýǵa, orta bilim bolsyn, bizdiń kolledj, ýnıversıtetterdiń maman daıarlaý sapasyn kóterýimiz kerek. Osyǵan naqty kómektesýimiz kerek, osyndaı joba qabyldansa bizdiń bilim salasy da ary qaraı damıdy degen úlken senimdemiz.
Osy saıası reformalar, adamı kapıtal men adam quqyǵy jáne taǵy basqa máselelerge oraı búgin Prezıdent naqty tapsyrma berdi. Zańdy túrde sapaly zańdardy qabyldap, osyny ómirge engizýge, iske asyrýǵa Parlamentke tapsyryp otyr. Taǵy bir nárse aıtaıyn degenim, bul jerde Parlamentte kóp másele sheshiledi. Sondyqtan myna Parlamentke kelgende Májilis pen Senat aldynda osyndaı úlken maqsat tur dep aıtty.
Baqytjan JUMAǴULOV,
Parlament Senatynyń depýtaty
