Buǵan deıin qazaq jerine saıahattap kelgen Skott Strachan esimdi oqyrman atalǵan basylymda elimiz týraly bylaı depti: «Biz Jańa 2021 jyldan zor úmit kútemiz. Əlemdik vaksınasııa sheksiz erkindikti sezinýge múmkindik beredi dep senemiz. О́z basym 2019 jyly bastaǵan kóne Jibek joly boıyndaǵy elderdi aralaýdy jalǵastyramyn. Qytaıdaǵy Qashqar jerinen bastap, Almaty, Bishkek, Samarqandqa jalǵasqan saparymdy osy jyly Tegeranǵa, sosyn Bakýge baryp təmamdaýdy josparlap otyrmyn».
Aıta keteıik, jaqynda Fransııanyń Le Figaro basylymy Qazaqstandy 2021 jyly saıahattaýǵa arnalǵan 21 destınasııa (týrısterdiń qalaýy men suranysyna saı kelý úshin jasalǵan qyzmet túrleri men ınfraqurylym jıyntyǵy) qataryna qosqan edi.
