Qarly boran Japonııanyń soltústiginen ońtústigine, Mııagı prefektýrasynyń soltústik-shyǵys aımaǵynan ótetin Tohoký joǵary jyldamdyqty tas jolynyń uzyn bóligin jaýyp tastaǵan.
Sonyń saldarynan 200-ge jýyq adam kólikterin tastap kete almaı, eki kún qatarynan jol boıynda túnegen. Oqıǵa ornynda qutqarýshylar jumys istep jatyr. Kólikterde qamalǵandarǵa tamaq, aýyz sý jáne kórpe jetkizildi. 200 jolaýshynyń 12-si aýrýhanaǵa jetkizildi.
Japon teńizi jaǵalaýy mańyndaǵy keı jerlerde aq ulpanyń bıiktigi 1 metrden asady. Keı aýdandarda jaryq sónip qalǵan. Sondaı-aq qar kóshkini qaýpi kúsheıgen. Al aýa raıyn boljaýshylar qazirgi kún raıy erteńge deıin saqtalatynyn eskertip otyr.
Sınoptıkterdiń boljaýynsha, Tohokýdyń soltústik-shyǵys aımaǵynda kelesi kúni 40 sm-ge deıin qar jaýady. Bılik birneshe poıyzdyń qozǵalysyn toqtatty.
Japonııanyń Premer-mınıstri Iosıhıde Sýga turǵyndardy saq bolýǵa shaqyrdy.
Daıyndaǵan
Rabıǵa NURǴALI
