Júıege 4890 qoldanýshy tirkelgen bolsa, olardyń 2292-si úmitker.

Jalpy shahardaǵy 147 mekteptiń 113-i 697 bos jumys ornyn jarııalady. Jarııalanǵan bos jumys oryndaryna 836 úmitker 2896 ótinish bergen (bir úmitker ártúrli mektepterge birneshe ótinish bere alady). 617 bos jumys orny boıynsha komıssııanyń 617 otyrysy ótkizildi. Otyrysta 823 úmitkerden 2856 ótinish qaraldy. 755 úmitkerdiń 392-si konkýrs qorytyndysymen jeńimpaz dep tanyldy. Konkýrstyq komıssııa ótkizilmesten ishki aýdarymmen 81, al 180 qyzmetker kótermemen aýystyryldy.

Odan ózge, 11 kolledjden bireýi 1 bos jumys ornyn jarııalady. Oǵan 1 ǵana ótinish túsip, kandıdat konkýrsqa qatysýdan bas tartqan. Sonyń negizinde komıssııanyń otyrysy ótkizilmedi.

Sondaı-aq 10 balabaqsha 23 bos oryn jarııalady. Olarǵa 34 úmitkerden 43 ótinish kelip túsken (bir úmitker ártúrli mektepterge birneshe ótinish bere alady). Osyǵan baılanysty komıssııanyń 19 otyrysy ótkizilip, úmitkerdiń 11-i konkýrs qorytyndysymen jeńimpaz bop tabylǵan jáne bos oryndarǵa ornalasýǵa mektep dırektorlaryna usynylǵan.

Sondaı-aq jetkizýshi konkýrstyq komıssııanyń sheshimimen 410 jeńimpazdyń 350-ine telefonmen qońyraý shalý arqyly monıtorıng júrgizildi. Qazirgi tańda 278-i turaqty jumysqa ornalasty. 22 jeńimpaz usynylǵan bos orynnan eńbek jaǵdaılarynyń qanaǵattanbaýyna baılanysty bas tartqan.

Qosymsha suraqtar boıynsha tegin «109» biryńǵaı baılanys nómirine habarlasýǵa bolady.