Ekonomıka • 26 Qańtar, 2021

Taýarlardy synyptaýǵa túzetýler engizildi

7 ret kórsetildi

Taýarlardy synyptaý týraly aldyn ala sheshimder ýaqyty eki esege qysqardy. Bul EAEO Syrtqy ekonomıkalyq qyzmet taýar nomenklatýrasyna sáıkes taýarlardy jikteý týraly sheshim qabyldaýǵa ótinimdi elektrondy túrde berýge jaǵdaı jasaıtyn normalar arqyly múmkin boldy. Mundaı ózgertýler «Qazaqstan Respýblıkasyndaǵy kedendik retteý týraly» Kodekstiń erejelerine engizildi, dep habarlaıdy Memlekettik kirister komıteti.

Komıtettiń aqparattyq júıelerinde ótinish berýshilerdiń osyndaı ótinishterdi (elektrondy nemese skanerlengen qujattardy qosa bere otyryp) elektrondy túrde berý múmkindigi iske asyryldy.

Kórsetilgen ótinishter Memlekettik kiris­ter organyna taýardy EAEO SEQ TN on mándi kody deńgeıinde jikteýge múmkin­dik beretin taýar týraly málimetterdi rastaıtyn qujattardyń elektrondy ne skanerlengen kóshirmelerin qosa bere otyryp beriletin bolady. Engizilgen túzetýlermen Taýarlardy synyptaý týraly sheshimderdi berý merzimderi aıtarlyqtaı qysqarǵanyn atap ótý qajet. Osylaısha, Taýarlardy synyptaý týraly aldyn ala sheshimder qabyldaý 20 jumys kúninen 10 jumys kúnine deıin qysqartyldy, al jınaqtalmaǵan túrde jetkiziletin taýarlardy (bularǵa zaýyttar men fabrıkalarǵa arnalǵan jabdyqtar jatady jáne t.b.) synyptaý týraly sheshimder qabyldaý 30 jumys kúninen 20 jumys kúnine deıin qysqartyldy.

Osylaısha, 2021 jylǵy 1 qańtardan bastap kúshine engen «Qazaqstan Respýblıkasyndaǵy kedendik retteý týraly» Qazaqstan Respýblı­kasynyń Kodeksine túzetýler bızneske salystyrmaly túrde qysqa merzimde taýarlardy baılanyssyz formatta jikteý týraly sheshimder alýǵa yqpal etedi.

 

Sońǵy jańalyqtar

Ulytaý aýdanynyń ákimi taǵaıyndaldy

Taǵaıyndaý • Búgin, 20:45

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar