«Naqty krıterııler boıynsha 15 óńirlik joǵary oqý ornyn iriktep alamyz. Osy ýnıversıtetter arqyly óńirlerdegi bilim sapasyn arttyrý úshin nysanaly qarjy bólip, olardy jańa zerthanalarmen qamtamasyz etemiz. Ol oqý oryndarynda jańa bilim baǵdarlamalary da ashylady. Sonymen qatar sapasyz joǵary oqý oryndaryn jabý boıynsha jumystar da jalǵasyn tabady», dep atap ótti mınıstr.
Memleket basshysynyń tapsyrmasy boıynsha joǵary bilim berý júıesinde akademııalyq adaldyqty buzǵany jáne sybaılas jemqorlyq is-áreketteri úshin joǵary oqý oryndarynyń jaýapkershiligi kúsheıtildi. Joǵary oqý oryndarynyń akademııalyq derbestigin keńeıtý boıynsha aýqymdy jumys júrgizildi. Endi akademııalyq jáne basqarýshylyq erkindik qazaqstandyq kolledjderge de beriledi.
«Kolledjderge akademııalyq derbestik beriledi. Atalǵan shara bilim berý baǵdarlamalarynyń mazmunyn ózgertýge, bilim sapasyn arttyrýǵa, oqý merzimin qysqartýǵa múmkindik beredi. Sol arqyly túlekter tezirek jumysqa ornalasa alady», dedi A.Aımaǵambetov.
Kolledjderge akademııalyq erkindik berý – kadrlardy daıarlaýda ıkemdilikti qamtamasyz etip, oqý oryndarynyń jumys berýshilermen birlese otyryp, bilim berý baǵdarlamalarynyń mazmunyn, oqytý merzimderi men traektorııasyn aıqyndaýǵa múmkindik beredi.
