On jyldyń aldynda sol kózimniń eti ósip, jyl saıyn úlkeıe tústi. 2019 jyly kózimniń jartysyn jaýyp, aqyry ota jasatýǵa týra keldi. Basynda, árıne, boıymdy qorqynysh bıledi. Naýryz aıynda Taldyqorǵan qalasyna baryp, sol kózimniń ósken etin aldyrdym. Kólegeılenip júrgen kózim birden ashylyp, jaqsy kóretin boldy.
Bir jyl ótkennen keıin, ıaǵnı 2020 jyldyń mamyr aıynyń sońyna taman eki kózim birdeı bulyńǵyr tartyp, qashyqtan kórý qabiletim nasharlana bastady. Aınalam tumandanyp turǵan sııaqty kúıge tústim. Usaq jazýdy kózildirikpen buryn jaqsy kórýshi edim, keıinnen áreń kóretin boldym. Aýyldyń emhanasyna baryp qaralǵanymda, aýdanǵa, ne qalaǵa baryp qaralýǵa keńes berdi. Amal joq, demalysqa shyqqansha shydaý kerek boldy.
Demalysqa da shyqtym. О́zim Almaty oblysy jaqta jumys isteıtindikten Taldyqorǵanda qaralsam ba eken, álde Semeıge barsam ba eken dep oılandym. Aqyry kózine ota jasatqan adamdar dárigerleri bilimdi dep aıtyp júretin Semeıdi tańdadym. Árıne, «halyq aıtsa, qalt aıtpaıdy», onyń ústine qalany da jaqsy bilemin. О́ıtkeni jastyq shaǵymnyń, stýdenttik ómirdiń qyzyqty jyldaryn ótkizgen qalamyz.
Sonymen tamyz aıynyń basynda Semeı qalasy Oboronnaıa №86 kóshesinde ornalasqan «Oftalmohırýrgııaǵa» kelip qaralyp, birneshe apparatpen tekserýden ótkizgennen keıin dárigerlerdiń keńesimen eki kózime de ota jasatýǵa kelistim. Portalmen emdelý úshin kútý kerek, ýaqyt joǵaltamyn. Al aqshasyn tólep jasatsam, ekinshi kózdiń otasy tegin eken. Analızderdi qalada ótsem, ájeptáýir shyǵyndalady ekenmin. Sodan turǵylyqty jerimde tekserilgenim durys boldy. Shyǵys Qazaqstan oblysy Úrjar aýdany Qabanbaı aýylynda jáne Maqanshyda analızderimdi tapsyryp, qujattarymdy jınadym. Alaıda osy aýyldarda jumys isteıtin keıbir medbıkelerge ókpe-renishim de bar. Aty-jónderin atamaǵandy jón kórdim. Sebebi barlyq analızdi ótkizgennen keıin terapevtiń qorytyndysyn alýym kerek. Áńgime osy jerde bastaldy. Koronavırýs aýrýynan taza degen qujatty Maqanshy aýyldyq aýrýhanasy bergen. Qabanbaı aýylyndaǵy terapevt-dáriger qujattarymdy túgel qarap otyryp: «Koronavırýsqa bizden nege tekserilip almadyńyz. Alakóldiń boıynda tekserilýge bolady, 5 myń teńge tóleısiz» dedi. Onysyna «Báribir emes pe, Maqanshyǵa da sol aqshany tóledim» dep jaýap berdim. Az oılanǵannan keıin rentgennen ótińiz dep tur. «Ákem, rentgennen ótkenime 3 aı boldy, 1 jylǵa deıin jaramdy emes pe?» desem, basqa oblystan ótkenimdi aıtty. Keýdemdi tekserip jatyp ókpemde syryl baryn alǵa tartty. «Jas kezimnen bronhıtym bar, ókpem taza» dep, sózge kelisip te qaldyq. Keıbir medbıkeler úlkenge qatty sóz aıtyp, mádenıetiniń tómen ekenin baıqatyp-aq qalady.
«Qaıdasyń, Semeıim» dep qujattarymdy qushaqtap, 17 tamyz kúni qalalyq terapevtiń qorytyndysyn aldym. 18 tamyzda oń kózime, 19 tamyzda sol kózime ota jasattym, sátti boldy. «Oftalmohırýrgııa» mekemesindegi aq halatty jandarǵa qatty rıza bolǵanymdy jasyra almaımyn jáne basqa da otaǵa kelgenderdiń de, buryn ota jasatyp, tekserilýge kelip júrgen adamdardyń da razy bolyp júrgenin kórdim. Úlkenderge izet kórsetip, bilmegen nárselerińdi shyn nıetimen túsindiredi. Medbıkelerdiń aıtqan keńesi boıynsha ýaqytynda tekserilýden ótip otyrdym. Áıelim Sherenhan Sábıtova da sol kóziniń eti ósip, 5 qarashada Semeıdiń «Oftalmohırýrgııasyna» ota jasatty. Ota jasatýyna sebepshi bolǵan – ózim. Áýletimizben Semeıdiń kóz dárigerlerine rızashylyǵymyzdy bildiremiz.
Galına Zamanova basqaryp otyrǵan mekemedegi qyzmetkerlerge myń da bir alǵysymdy aıtpaqpyn. Ásirese, ulty orys bola tura qazaq tilin óte jaqsy meńgergen, ata-apalap janyńa shıpa beretin Hırýrgııa bóliminiń meńgerýshisi Svetlana Seredınaǵa jáne aǵa medbıke Almaz О́stemirovaǵa alǵysymyz sheksiz. Sondaı-aq Gaýhar Tursynǵalıeva, Sáýle Ahmetova, Álııa Qusaıynova, Dınara Ýstaeva, Toǵjan Ýrıstımova sııaqty mamandarǵa shyn kóńilimizben rızashylyǵymyzdy bildiremiz. El gazeti arqyly alǵysymdy jetkize otyryp, jumystaryna tabys, denderine saýlyq, otbasylaryna amandyq, jaıdarly minezderimen halyqtyń alǵysyna bólene berińizder degim keledi.
Sálmen SÁBITOV,
Qabanbaı aýylynyń turǵyny
Shyǵys Qazaqstan oblysy,
Úrjar aýdany
