Bilim • 07 Qyrkúıek, 2021

Bilim berý júıesin jahandyq úrdisterge beıimdeý ózekti

43 ret kórsetildi

«Azamattyq alań» pikir almasý platformasynyń kezekti jıynyna qatysýshylar Memleket basshysynyń Qazaqstan halqyna Joldaýynda aıtylǵan bilim berý júıesin, jańa zamanaýı jaǵdaılarǵa beıimdeý qajettiligi men múmkindikterin talqylady.

Memleket basshysy Qasym-Jomart Toqaev «Halyq birligi jáne júıeli reformalar – eldiń órkendeýiniń berik negizi» atty Qazaqstan halqyna Joldaýynda otandyq bilim men ǵylymnyń aldynda aýqymdy mindetter tur­ǵanyn atap ótti. «Jańa belesterdi baǵyndyryp qana qoımaı, ár­qa­shan bir qadam alda bolý, jańa trendterdi qalyptastyrý» jó­nin­de aıta otyryp, quzyrly mem­lekettik organdarǵa sapaly bilim berýdi qamtamasyz etý bo­­ıynsha birqatar júıeli is-sharany belgilep berdi.

«Azamattyq alań» otyrysy barysynda jıynǵa tóraǵalyq etken «Rýhanı jańǵyrý» qazaq­stan­­dyq qoǵamdyq damý ınstı­tý­ty­nyń Basqarma tóraǵasy Asyl­bek Esenbaev qarqyndy damyp kele jatqan álemde bilim men daǵ­dyǵa degen suranys tez ózge­retinin, sondyqtan da bilim berý júıesi jańa úrdisterge ıkemdi beıimdelýi tıis ekenin aıtty.

«Bir qadam alda bolý – jas­tary­myzdyń sanasynda qandaı da bir kásiptiń nemese dıplomnyń bedeline emes, osy kásiptiń qoǵam úshin paıdalylyǵyna qaraı tıimdi ózgerýi. Sonymen qatar biz bilim berý – tek qana Bilim jáne ǵylym mınıstrligi men ákim­­dik­ter­­diń ǵana úlesi, tek mektep, JOO-dary ǵana bilim beredi de­gen túsi­­nik­ten alshaqtaýǵa tıis­piz. Bú­­gin­de ıkemdi daǵdylar (soft skills) qazirgi zamanǵy adam damýy­nyń ajy­ramas bóligine aınaldy», dedi ol.

О́z kezeginde, Bilim jáne ǵylym mınıstrliginiń Mektepke deıingi jáne orta bilim komıtetiniń tóraıy­my Maıra Meldebekova qa­shyq­tan oqytý formattary úshin telekommýnıkasııalyq júıelerdiń sapasyn jaqsartýdyń mańyzdylyǵyn atap ótti.

– Memleket basshysy Qasym-Jomart Toqaev Qazaqstan hal­qyna Joldaýynda bilim salasyna qatysty naqty tapsyr­ma­lar berdi. Sonyń biri – qa­shyq­tan bilim berýge qajet­ti aqparattyq júıeniń sapa­syn jaqsartý. Pandemııa ýaqy­ty bar­lyǵymyzdy óz synyna alǵan ras. Qashyqtan oqytý barysynda da qıyndyqtar boldy. Osyǵan baılanysty Memleket basshysy «Sıfrly ustaz» bilim berý jobasyn qolǵa alyp, ustazdarǵa materıaldyq jáne moraldyq qoldaý kórsetý kerektigin de atap ótti. Mektepke deıingi bilim berý júıesinde sıfrly júıelerdi engizý óte oryndy usynys dep bilemin, – dedi M.Meldebekova.

M.S.Nárikbaev atyndaǵy KAZGIýÝ Ýnıversıtetiniń bas­qar­ma tóraǵasy, Nur-Sultan qala­lyq máslıhatynyń depýtaty Talǵat Nárikbaev óz sózinde Pre­zı­denttiń Qazaqstan halqyna Jol­daýynda kóptegen mańyz­dy máse­leler kóterilgenin atap ótip, qa­shyq­tan oqytýdyń tıimdi tustaryna toqtaldy.

– Máselen, «Ǵylymdy damytý – bizdiń asa mańyzdy basymdy­ǵy­myz» degen Memleket basshysy ǵylym týraly zań jobasyna óz­ge­rister men tolyqtyrýlar en­gizý týraly pármen berdi. Bul erteńge salynyp jatqan ınves­tı­sııa dep oılaımyn. Koro­na­vırýs pandemııasy bizdiń salaǵa da birqatar ózgeris alyp keldi. Álemdegi barlyq joǵary oqý oryndary qashyqtan oqytý júıesine kóshti. Iá, qa­shyq­tan oqytý júıesi biraz synal­ǵany da ras. Alaıda qashyq­tan oqytý júıesiniń bizge bergen tıimdi tustaryn da aı­ta ketken jón. Mysaly, kezin­de shet elderden aldyrtyp qınalatyn ǵalymdarmen, búgin biz qashyq­tan oqytý júıesi arqy­ly utymdy sharttarmen kelisip otyrmyz, – dedi ol.

«Azamattyq alańda» Nur-Sultan qalasynyń №90 gımna­zııa­­synyń dırektory Aıat­jan Ahmetjanuly da pikir­lerimen bólisti. Ol halyqaralyq olımpıadalarda júldeli oryn­darǵa ıe bolǵan daryndy balalardy qarjylaı yntalandyrý óte mańyzdy qadam ekenin atap, sporttyq olımpıadadaǵydaı, júldegerlerdi marapattaý bilim jáne ǵylym salasynda da bolýy kerek dedi. Sonymen qatar 2025 jylǵa deıin 1 myń mektep salý bastamasyn atap ótip, bul is-shara iri qalalarda ǵana emes, shalǵaı, shekaralas aýdandarda da zamanaýı sapaly mektepter salynýy kerek ekenin jetkizdi. «Bul ishki kóshi-qon turǵysynan da mańyzdy. Biz óńirlerdegi jastardy sapaly bilimmen qamtamasyz etýimiz kerek», dedi ol.

«Azamattyq alań» otyry­syn­da BǴM Ǵylym komı­teti­niń tóraǵasy Janna Qurman­ǵalıeva, L.N.Gýmılev atyndaǵy EUÝ Qarjy kafedrasynyń meń­gerý­shisi Kúlásh Sádýaqasova jáne de taǵy da basqa sala mamandary óz tájirbıeleri men pikirlerin ortaǵa saldy. Bul pikir almasý alańynyń otyrystaryn AQDM qoldaýymen «Rýhanı jańǵyrý» qazaqstandyq qoǵamdyq damý ınstıtýty uıymdastyryp kele­di. Suhbat alańynyń basty maq­saty – «Rýhanı jańǵyrý» baǵ­dar­lamasyn júzege asyrýdyń tıim­diligin arttyrý úshin aza­mattyq qoǵam ókilderin syndarly suhbatqa tartý.

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar