3D ımplant-omyrtqa

Ulttyq neırohırýrgııa or­talyǵynda júzege asy­ryl­ǵan biregeı jobalardyń biri – omyrtqa súıegin 3D basyp shyǵarý tehnologııasy boıynsha jeke modeldengen ımplantqa aýystyrý. Neırohırýrgııalyq praktıkada alǵash ret «Ghalam» JShS ǵaryshtyq ushý apparattaryn óndirýshilerimen birlesip naýqasqa jeke 3D basyp shyǵarý arqyly ımplant jasaldy. Germanııanyń Ýlm qalasyndaǵy Trav­matologııa jáne bıomehanıka ınstıtýtynda ımplanttarǵa bıo­mehanıkalyq testileý júr­gizildi.

Qazaqstan neırohırýrgııa ortaly­ǵynda tórt syrqatqa derbes 3D ımplant­ty qoldana otyryp, omyrtqa denelerin aýystyrý operasııasy sátti oryndaldy.

UNO dárigerleri manı­pý­­lıa­­sııa júrgizý kezinde kom­prema­sı­ıa­lyq ásersiz ju­lyn­nyń anatomııalyq jáne fýnk­sıonaldyq mańyzdy qury­lymdaryn saqtaýǵa múm­kin­dik beretin omyrtqany aýys­tyrýdyń arnaıy quryl­ǵy­sy men ádisin ázirledi.

Pasıentterdi bir jyl boıy baqylaý aıasynda ımplan­tqa baılanysty asqy­ný­lar anyqtalǵan joq, ómir sapa­synyń kórsetkishteri aýrý bastalǵanǵa deıingi deńgeıge keldi.

Osy ǵylymı jobanyń qorytyndylary 2-den joǵary ımpakt-faktory bar bedeldi halyqaralyq resenzııalanatyn jýrnaldarda jarııalandy, sondaı-aq monografııa jaryq kórdi.

Ulttyq neırohırýrgııa orta­ly­ǵynyń qyzmeti barysynda barlyǵy 7 ǵylymı joba, iske asyrý satysynda taǵy 3 joba oryndaldy. Ortalyq qyz­met­kerleri ónertabystyń 10 patentine ıe boldy.