Shetelde oqıtyn túlekter

Sondaı túlektiń biri – Asqar Ál­muhametov Atyraý qalasyndaǵy Nazarbaev zııatkerlik mektebin bitir­gen. Oǵan álemniń tórt joǵary oqý or­nynan oqýǵa usynys túsken. Qazaq ulanyna shaqyrtý jibergenderdiń qatarynda UC Berkeley, Columbia, University of Toronto, Georgia Tech jáne KAIST ýnıversıtetteri bar.

– Men kompıýterlik ǵylym ba­ǵy­tyn tańdadym. Qazir ekonomıka­nyń barlyq salasyn bul baǵytsyz elestetý múmkin emes. Endi osy salada joǵary bilim alýdy kózdedim. Sol sebepti álemdegi úzdik oqý ornynyń biri UC Berkeley ýnıversıtetine oqýǵa barýǵa sheshim qabyldadym. О́ıtkeni AQSh-taǵy Kalıfornııa shtatynyń Berklı qalasynda ornalasqan bul ýnıversıtet kompıýter jáne IT tehnologııalar, ekonomıka, fızıka salalary boıynsha álemge áıgili oqý ornynyń kósh basynda tur, – deıdi Asqar.

Al Polına Vardashko Kanadanyń Ottava qalasyndaǵy Carleton Univer­sity-niń stýdenti atanǵaly otyr. Bul – onyń kóp jylǵy armany.

– Joǵary bilim alatyn oqý ornyn tańdaýda jańylmaý qajet. О́ıt­keni myqty maman bolý úshin báse­kege qabiletti ustazdary, ǵy­lymı-zerthanalyq ortalyǵy bar ýın­versıtetterden dáris alýdyń mańyzy zor. Osy turǵydan aıtqanda, Kanadadaǵy joǵary bilim berý salasyna qyzyǵatyn edim. Endi jaqynda osy eldegi tanymal ýnıversıtettiń bıohımııa jáne bıotehnologııa fa­kýltetinde bilim alýdy bastaımyn, – dep qýanyshyn bólisti Polına.

Atyraý oblysy