Hımııa klasteri

Ekologııa, hımııa, medısına, munaı-hı­mııa jáne energııany kóp qajet etetin mate­rıaltaný salalarynda zertteýler júr­­gizip, jańa sheshimder ázirleýdi iske asy­ra­tyn klasterde 9 ǵylymı zerthana orna­lasqan.

Jańa zerthananyń ju­my­symen hımııa jáne hımııa­­­lyq tehnologııa fakýlteti­niń de­­kany Alına Galeeva ­ta­nystyrdy.

Is-shara barysynda Ǵylym jáne joǵary bilim mı­nıstri Saıasat Nurbek Memleket ­bas­shysynyń otan­dyq ǵy­lym men bilimdi da­my­týǵa jáne ınnovasııa­lyq tásilderdi engizýge aıryqsha mán berip otyrǵanyn atap ótip, «QazUÝ bazasynda ashylyp jatqan zerthanalar elimizdiń hımııa salasyn damytyp, hımııa ónerkásibi salasynda­ǵy jumystardy tereńdetýge yqpal etetin bolady», dedi.

Ýnıversıtettiń basqar­ma tóraǵasy-rektor Janse­ıit Túımebaevtyń aıtýynsha, zerthanalar sondaı-aq medısına jáne bıologııa salasyndaǵy kóptegen zert­teý jasa­lyp, tyń jańa­lyq­tardyń bastamasyna aınalady.

Zerthanalar klasteriniń bolashaq josparlary, zamanaýı múmkindikterimen Gar­vard ýnıversıtetiniń professory, zert­teýshi-ǵalym Mark Ellıot jáne oqý orny­nyń ǵalymdary, jas zertteýshi­ler tanysty.

Ǵylymı zerthanalar metall jáne aǵash kon­strýk­sııalarǵa arnalǵan otqa tó­­zimdi jabyndylar ja­saý­­­ǵa, arnaıy qasıetke ıe beı­­­­organıkalyq materıal­dar­dyń jańa túr­lerin zertteýge, zattar men materıaldardy sıfrlyq jáne sapalyq taldaý boıynsha qyzmet­ter­di iske asyrýǵa múmkindik be­re­­­di. Zertteýshiler sonymen qa­­tar qorshaǵan orta­ny las­ta­ný­­dan qorǵaýǵa yqpal ete­tin, ­hı­mııa­lyq tok kóz­de­ri­ne arnal­ǵan jańa ma­te­rıal­dardy ázirleý, mu­naı-hımııasy salasynda tereń­detil­gen zert­teýler júrgizý, otan­dyq medısınalyq-bıo­logııa­lyq quraldar men bak­terııa­ǵa qarsy materıaldar alýdyń ońtaıly ádisterin ázirleıtin bolady.

Klasterde ǵalymdardyń jumys isteýine tolyq­qandy jaǵdaı jasalyp, sońǵy úlgi­degi qurylǵylar jáne apparattarmen jab­dyqtalǵan. Munda granttyq jáne baǵ­dar­lamalyq-nysanaly qar­jylandyrý joba­lary men demeýshilik sýbsıdııalardy iske asyrý sheńberinde sa­typ alynǵan jańa qu­ryl­­ǵylardyń quny 1 mlrd teńgeni quraıdy.

Búginde ýnıversıtette hımııa-tehnologııalyq be­ıindegi 3 ǵylymı zertteý ınstıtýty jumys isteıdi. Hı­mııalyq ǵylymı klas­te­rine analıtıkalyq hımııa jáne qorshaǵan orta, elek­tr-­­hımııalyq óndiris tehno­logııasy, munaı-hımııa, hı­mııa-medısınalyq, ju­qa organıkalyq sıntez, ener­­gııany kóp qajet ete­tin na­nomaterıaldar, pers­pek­tıvalyq materıaldar men tehno­logııalar, joǵary dál­diktegi materıaldardy dıagnostıkalaý zertha­nalary men «Chemical Coatings Innovations» ǵy­ly­mı-óndiristik ortalyǵy kiredi. Munymen qosa Alem­Trade kompanııasynyń de­­meý­shiligimen ashylǵan jo­ǵa­ry dáldiktegi materıaldardy zertteý zerthanasy­nyń da múmkindigin atap ketken jón.

ALMATY