ShYU aıasyndaǵy “Beıbit mıssııa-2010” jattyǵýlary sheberlikti shyńdaýda
Lańkestikke qarsy halyqaralyq “Beıbit mıssııa-2010” birlesken áskerı jattyǵý oıyndarynyń belsendi kezeńi “Mátibulaq” jalpy áskerı polıgonynda ótkizildi. Qazaqstan, Reseı, Qytaı, Qyrǵyzstan, Tájikstan memleketteri áskerı quramalarymen qatar, QR IIM-iniń “Búrkit” arnaýly otrıady men QR UQK-niń “Arystan” otrıady da qatysqan áskerı jattyǵýlardy ShYU-ǵa múshe memleketterdiń qorǵanys salasy basshylary qadaǵalady.
Bul is-sharaǵa 6,5 myńnan astam áskerılerdiń qatysýy onyń aýqymdylyǵyn aıqyn ańǵartady. Sonymen qatar, oǵan jaýyngerlik ushaq pen tikushaqtardy qosa eseptegende 1,5 myńnan astam qarý-jaraq pen áskerı tehnıkanyń tartylýy da kóp nárseden habar berse kerek. Olardy Qazaqstan, Reseı jáne Qytaı memleketteri qosqan.
Halyqaralyq birlesken áskerı jattyǵýlardyń negizine – búgingi tańda álem nazaryn ózine aýdaryp, qoǵamǵa úlken qaýip tóndirip otyrǵan eń iri joıqyn qaterlerdiń biri – ultaralyq, dinı jáne ózge de shıelenisterdiń nátıjesinde ýshyǵyp, dúrbeleń týdyratyn kúrdeli jaǵdaı alynǵan. Sala basshylarynyń aıtýynsha, “Mátibulaq” jalpy áskerı polıgonynda uıymdastyrylǵan iri jattyǵý oıyndary oǵan qatysýshylardy, anyǵyraq aıtqanda ShYU-ǵa múshe memleketteriniń qarýly kúshteri salasy ujymyn ultaralyq, dinı nemese basqa da shıelenister tutana qalǵan jaǵdaıda, ony birlesip joıýǵa kómektespek.
Biz sóz etip otyrǵan polıgondaǵy lańkestikke qarsy halyqaralyq “Beıbit mıssııa-2010” jattyǵý oıyndaryna engen tórt taktıkalyq oqıǵanyń, epızodtyń biri túngi ýaqytta ótkiziledi dep josparlanǵan. Qazaqstan Respýblıkasy men Reseı Federasııasy qarýly kúshteriniń “Strela-10” jáne “Igla” zenıttik-raketalyq keshenderi avıasııanyń talqandaý alańyna enip, áýe shabýyly quraldaryn joıyp jiberedi. Sondaı-aq, operasııa kezinde óz qarsylastaryn jańylystyryp, adastyrýdy oılastyrǵan “Prıma” reaktıvti dıvızııasy ózderiniń basty soqqysynyń baǵytyn naqty kórsetpeı, qarsylasynan basym túsedi. Sóıtip, áskerı jattyǵýlardaǵy aldyn ala oılastyrylǵan oqıǵalar osylaı órbip, óziniń sońǵy túıindi sátine de jetti.
Halyqaralyq “Beıbit mıssııa-2010” áskerı jattyǵýlary ShYU-ǵa múshe-memleketter – Qazaqstan, Reseı, Qytaı, Tájikstan, Qyrǵyzstan qarýly kúshteri basshylary tarapynan oıdaǵydaı baǵalandy. Áskerı jattyǵýlar aıaqtalǵannan keıin ótkizilgen brıfıngte sala basshylary shyǵyp sóılep, óz oılaryn ortaǵa saldy. Brıfıngte alǵashqylardyń biri bolyp sóz alǵan Qazaqstan Respýblıkasy Qorǵanys mınıstri Ádilbek Jaqsybekov “áskerılerdiń ózderine tapsyrylǵan iske joǵary jaýapkershilikpen, uqyptylyqpen qaraǵandyǵyn” tilge tıek etti.
– Halyqaralyq “Beıbit mıssııa-2010” birlesken áskerı jattyǵýlaryna qatysýshy barlyq jasaqtar túgeldeı derlik ózderine qoıylǵan tapsyrmalardy múltiksiz oryndap shyqty. Bul oraıda atap aıtarlyǵy jáne eń bastysy, halyqaralyq jattyǵýlar qorytyndysy ShYU-ǵa múshe-memleketterdiń aýmaǵynda turaqsyz jaǵdaı qalyptasqan jaǵdaıda onyń aldyn alýǵa, ıaǵnı oǵan toıtarys beretindeı kúshtiń bar ekenin dáleldep shyqty, – dedi ol.
QR Qorǵanys mınıstriniń bul pikiri onyń áriptesteri tarapynan da qoldaý tapty. Reseı Federasııasy Qorǵanys mınıstri Anatolıı Serdıýkov, QHR Qorǵanys mınıstri Lıan Gýanle, Tájistan Qarýly kúshteri Bas shtaby bastyǵynyń orynbasary Zarıf Bobokalonov, Qyrǵyzstan Qorǵanys mınıstri Abıbılla Qudaıberdıev jáne basqalar áskerı jattyǵý oıyndary deńgeıiniń talapqa saı ekendigin atap aıtty.
Baqyt BALǴARINA, Almaty. Sýretti túsirgen Bersinbek SÁRSENOV.
Lańkestikke qarsy halyqaralyq “Beıbit mıssııa-2010” birlesken áskerı jattyǵý oıyndarynyń belsendi kezeńi “Mátibulaq” jalpy áskerı polıgonynda ótkizildi. Qazaqstan, Reseı, Qytaı, Qyrǵyzstan, Tájikstan memleketteri áskerı quramalarymen qatar, QR IIM-iniń “Búrkit” arnaýly otrıady men QR UQK-niń “Arystan” otrıady da qatysqan áskerı jattyǵýlardy ShYU-ǵa múshe memleketterdiń qorǵanys salasy basshylary qadaǵalady.
Bul is-sharaǵa 6,5 myńnan astam áskerılerdiń qatysýy onyń aýqymdylyǵyn aıqyn ańǵartady. Sonymen qatar, oǵan jaýyngerlik ushaq pen tikushaqtardy qosa eseptegende 1,5 myńnan astam qarý-jaraq pen áskerı tehnıkanyń tartylýy da kóp nárseden habar berse kerek. Olardy Qazaqstan, Reseı jáne Qytaı memleketteri qosqan.
Halyqaralyq birlesken áskerı jattyǵýlardyń negizine – búgingi tańda álem nazaryn ózine aýdaryp, qoǵamǵa úlken qaýip tóndirip otyrǵan eń iri joıqyn qaterlerdiń biri – ultaralyq, dinı jáne ózge de shıelenisterdiń nátıjesinde ýshyǵyp, dúrbeleń týdyratyn kúrdeli jaǵdaı alynǵan. Sala basshylarynyń aıtýynsha, “Mátibulaq” jalpy áskerı polıgonynda uıymdastyrylǵan iri jattyǵý oıyndary oǵan qatysýshylardy, anyǵyraq aıtqanda ShYU-ǵa múshe memleketteriniń qarýly kúshteri salasy ujymyn ultaralyq, dinı nemese basqa da shıelenister tutana qalǵan jaǵdaıda, ony birlesip joıýǵa kómektespek.
Biz sóz etip otyrǵan polıgondaǵy lańkestikke qarsy halyqaralyq “Beıbit mıssııa-2010” jattyǵý oıyndaryna engen tórt taktıkalyq oqıǵanyń, epızodtyń biri túngi ýaqytta ótkiziledi dep josparlanǵan. Qazaqstan Respýblıkasy men Reseı Federasııasy qarýly kúshteriniń “Strela-10” jáne “Igla” zenıttik-raketalyq keshenderi avıasııanyń talqandaý alańyna enip, áýe shabýyly quraldaryn joıyp jiberedi. Sondaı-aq, operasııa kezinde óz qarsylastaryn jańylystyryp, adastyrýdy oılastyrǵan “Prıma” reaktıvti dıvızııasy ózderiniń basty soqqysynyń baǵytyn naqty kórsetpeı, qarsylasynan basym túsedi. Sóıtip, áskerı jattyǵýlardaǵy aldyn ala oılastyrylǵan oqıǵalar osylaı órbip, óziniń sońǵy túıindi sátine de jetti.
Halyqaralyq “Beıbit mıssııa-2010” áskerı jattyǵýlary ShYU-ǵa múshe-memleketter – Qazaqstan, Reseı, Qytaı, Tájikstan, Qyrǵyzstan qarýly kúshteri basshylary tarapynan oıdaǵydaı baǵalandy. Áskerı jattyǵýlar aıaqtalǵannan keıin ótkizilgen brıfıngte sala basshylary shyǵyp sóılep, óz oılaryn ortaǵa saldy. Brıfıngte alǵashqylardyń biri bolyp sóz alǵan Qazaqstan Respýblıkasy Qorǵanys mınıstri Ádilbek Jaqsybekov “áskerılerdiń ózderine tapsyrylǵan iske joǵary jaýapkershilikpen, uqyptylyqpen qaraǵandyǵyn” tilge tıek etti.
– Halyqaralyq “Beıbit mıssııa-2010” birlesken áskerı jattyǵýlaryna qatysýshy barlyq jasaqtar túgeldeı derlik ózderine qoıylǵan tapsyrmalardy múltiksiz oryndap shyqty. Bul oraıda atap aıtarlyǵy jáne eń bastysy, halyqaralyq jattyǵýlar qorytyndysy ShYU-ǵa múshe-memleketterdiń aýmaǵynda turaqsyz jaǵdaı qalyptasqan jaǵdaıda onyń aldyn alýǵa, ıaǵnı oǵan toıtarys beretindeı kúshtiń bar ekenin dáleldep shyqty, – dedi ol.
QR Qorǵanys mınıstriniń bul pikiri onyń áriptesteri tarapynan da qoldaý tapty. Reseı Federasııasy Qorǵanys mınıstri Anatolıı Serdıýkov, QHR Qorǵanys mınıstri Lıan Gýanle, Tájistan Qarýly kúshteri Bas shtaby bastyǵynyń orynbasary Zarıf Bobokalonov, Qyrǵyzstan Qorǵanys mınıstri Abıbılla Qudaıberdıev jáne basqalar áskerı jattyǵý oıyndary deńgeıiniń talapqa saı ekendigin atap aıtty.
Baqyt BALǴARINA, Almaty. Sýretti túsirgen Bersinbek SÁRSENOV.
