“Qus kúni”

Qorǵaljynda tuńǵysh ret “Qoqıqaz-2010” festıvali ótkizildi Kókshetaýda oblystyq sport já­ne týrızm basqarmasy men Qor­­ǵal­jyn aýdanynyń ákimdigi týǵan jerdiń tabıǵaty men ań-qustaryn qorǵaý, ekologııalyq týrızmdi nasıhattaý, tabıǵatqa janashyrlyq sezimin qalyptastyrý maqsatynda tuńǵysh ret “Qoqıqaz-2010” festıvalin ót­kizdi. Ony oblystyq máslıhat hat­shysynyń mindetin atqarýshy Galına Marchenkova, Qorǵaljyn aýdany men Kókshetaý qalasy ákimderiniń or­ynbasarlary Saǵadat Aqqojına, Aına Mysyr­álimova quttyqtaý sóz­ben ashyp, festıval­diń mańyzdy­ly­ǵyn atap ótti. BUU damý baǵdarlamasyna en­gizilgen Qorǵaljyn memlekettik qo­ryǵy 542 gektar aýmaqty alyp jat­qan álemdegi eń úlken qoryq sana­lady. Munda qustyń 346, ósimdiktiń 347, jándikterdiń 1000-nan astam jáne balyqtyń 14 túri tirkelse, “Qyzyl kitapqa” engizilgen qustyń 46 túri uıa salady. Barshamyzdyń maqtany­shy­myzǵa aınalǵan sırek qus – qoqı­qaz­dyń sany 65 myńnan asyp jyǵylady. Bul sheteldik týrısterdi de aıryqsha qyzyqtyrýda. Máselen, byltyr qoryqtyń “Esik ashar” kórmesin on myńnan astam adam tamashalady. Qoryq dırektorynyń oryn­ba­sary Borıs Rybakov týrızm ındýs­trııasyn damytý baǵytyndaǵy at­qarylǵan jumystar men aldaǵy josparlar týraly keńinen áńgimeledi. Úsh baǵytta uıymdastyrylatyn tanymdyq saıahat kartasy tanys­ty­ryldy. Sondaı-aq, ulttyq qolóner jáne qylqalam sheberleriniń baıqaýy uıymdastyrylyp, jeńimpazdar marapattaldy. Baqbergen AALBEK, Aqmola oblysy.