“Maksımýmnyń” járdemimen 3273 jumys orny ashyldy

Bárekeldi! Ońtústik Qazaqstan oblysy negizinen agrarly aımaqtardyń qataryna jatady. Ataqty kúrishshi, Eńbek Eri Ybyraı Jaqaev Jazýshylar odaǵy jıyndarynyń birinde ózine sóz berilgende: “Dıqannyń qolynan ketpeni, malshynyń qolynan taıaǵy, jazýshynyń qolynan qalamy túspesin”, dep qysqa qaıyrypty. Áldekimderdiń onshaqty paraqqa zorǵa syıǵyzatyn oıyn úsh aýyz sóılemge artqan qadirmendi qart “árkim áýeıi bolmaı, óz isimen aınalyssyn” degendi ańǵartqan sııaqty. Qazir tapqanyn jyldyq tamaǵynan arttyrmaıtyn zaman emes, dıqanǵa da, malshyǵa da kásibin órge bastyrý úshin qarjy kerek. Al, ekinshi deńgeıli bankter nesıe alý úshin kepildeme retinde ákesiniń qunyn suraıdy. Osyndaıda kásipkerlerge oblys ákimdiginiń qarjy operatory “Maksımým” AIO kómekke keldi. Sharýa jaǵdaıyna qaraıdy, paıyzdyq júktemesi tómen. “Maksımým” aımaqtyq ınvestısııalyq ortalyǵy 2010 jyly tabysty jumys atqaryp keledi. Olar  Elbasy  Joldaýynda aıtylǵan ınvestısııalyq baǵdarlamalardyń ońtústik óńirde  sátti oryndalýyna súbeli úles qosýda.  Byltyr jalpy somasy 1,7 mlrd. teńgeni quraıtyn  561 joba belgilense, bıyl   2,9 mlrd. teńgelik  1250 joba maquldandy. Jalpy, ınvestısııalyq jobalardy iske asyrý arqasynda ústimizdegi jyly Ońtústik Qazaqstan oblysynda  3273 jańa jumys oryndary ashyldy.  Salyq túsimi 321 mln. teńgege artty. “Maksımým” AIO” byltyr jyl boıyna 67 mln. teńge  kiris ákelse, bıylǵy jyldyń  nebary 8 aıy qorytyndysy boıynsha 57 mln. teńge paıda tapty. Istiń kózi  tabyldy degen osy shyǵar. Baqtııar TAIJAN, Shymkent.