Sport • 14 Naýryz, 2022
Tatamıdegi tabysymyz qashan eselenedi?
Dzıýdo kúresi Kúnshyǵys elinde HIH ǵasyrdyń sońynda paıda bolǵanymen, ol tek HH ǵasyrdyń ekinshi jartysynda ǵana álemniń kóptegen elinde keńinen qanat jaıdy. Japondar ony damytý úshin baryn saldy. Júıeli túrde nasıhat jumystary júrgizilip, qysqa ǵana merzim aralyǵynda ózderi oılap tapqan ónerdi halyqaralyq arenaǵa alyp shyqty. Nátıjesinde, 1956 jyly Tokıodaǵy áıgili Kuramae Kokugikan sport kesheninde tuńǵysh ret álem chempıonaty uıymdastyrylsa, 1964 jyly ol Olımpııa oıyndarynyń baǵdarlamasyna endi. Búgingi tańda Halyqaralyq dzıýdo federasııasy (IJF) – barlyq bes qurlyqtaǵy 198 memlekettiń ulttyq federasııalarynyń basyn biriktirip otyrǵan álemdegi eń beldi sporttyq uıymdardyń biri.
Sport • 10 Naýryz, 2022
Keńes Odaǵy dáýirinde Qazaqstannyń erkin kúres sheberleri tolaǵaı tabysqa qol jetkize almady. Ony moıyndaýǵa tıispiz. Máselen, 1945-1992 jyldar aralyǵynda 47 márte jelbiregen KSRO chempıonattarynda jerlesterimiz nebári 8 altyn, 10 kúmis jáne 12 qola medaldy enshiledi. Barlyǵy – 30 júlde. Sol tusta Reseı, Ýkraına jáne Belarýstiń balýandary talaı bıik belesterden kórindi. Qarsy kelgenderdi qoǵadaı japyrǵan Qap taýynyń ókilderi de ózderiniń myqtylyǵyn túbegeıli moıyndatty. Ara-tura Baltyq jaǵalaýy elderinen de aryndy apaıtóster shyqty. Biraq bizge ondaı baq buıyrmady. Kúrestiń bul túrinde qazaqtyń bir nesibesi kem bolǵany anyq.
Sport • 10 Naýryz, 2022
Aralas jekpe-jek álemindegi eń úzdik bes promoýshenniń biri – Reseıdiń ASA lıgasy aldaǵy aılarda jeńil salmaqta kúsh synasyp júrgen eń myqty segiz sportshynyń basyn qosyp, jaqsy bir jarystyń jalaýyn jelbiretýdi kózdep otyr. Sol dúbirli dodada bizdiń Artem Reznıkov ta óner kórsetedi.
Sport • 01 Naýryz, 2022
Túrkııanyń Ystanbul qalasynda kúres túrlerinen ótken Iаshar Doǵý, Vehbı Emre jáne Hamıt Kaplannyń memorıalyn jerlesterimiz 9 júldemen qorytyndylady.
Sport • 28 Aqpan, 2022
Naýryz aıynyń basynda AQSh-tyń Penselvanııa shtatyndaǵy «Hershıpark-arenada» ótken oıyndy tamashalaý úshin ádettegiden áldeqaıda az adam jınaldy. Sebebi, qalada tań ata sebelep jańbyr jaýyp, kún kúrt sýytyp ketken edi. Desek te sol 4 124 kórermenge tarıhı sáttiń kýási bolý baqyty buıyrdy. Damylsyz ári qarqyndy shabýylmen ótken match 169:147 esebimen alań ıeleriniń paıdasynan sheshildi. Iаǵnı, eki komandanyń nátıjelerin qosa alǵanda, olar 316 upaıǵa ıelik ketti. Odan bólek, «Fıladelfııa Ýorrıorzdyń» eń beldi oıynshysy Ýılt Chemberlen bul básekede UBQ-nyń bes birdeı rekordyn jańartty. Sol kórsetkishterdiń tórteýiniń kúni búginge deıin murty buzylmaı tur. Ýılttyń tabystarynyń ishindegi eń keremeti – «Nıý-Iork Nıkske» qarsy kezdesýde 100 upaı jınaýy. Oǵan deıin de rekordtyq nátıje dál sol basketbolshyǵa tıesili edi. 1961 jyldyń 8 jeltoqsanynda «Los-Andjeles Leıkerspen» sheberlik baıqasqan kezde Chemberlen 78 upaı enshiledi. Arada úsh aı ótpeı jatyp, amerıkalyq juldyz 100 upaılyq mejege jetti. Bir ǵajaby, boıy kók tiregen basketbolshy osy oıynda 63 ret dopty shyǵyrshyqqa laqtyryp, sonyń 36-sy nysanaǵa dóp tústi. 32 aıyp dobynyń 28-in múltiksiz oryndady. Osylaısha, onyń esimi basketboldyń dańq zalynda altyn áriptermen jazyldy. Ýılt Chemberlen 1936 jyldyń 21 tamyzynda AQSh-tyń Fıladelfııa qalasynda dúnıege keldi. Onyń boıy – 216 santımetr, salmaǵy – 125 kılo. 1959-1968 jyldar aralyǵynda Ýılt óziniń týǵan jerinde jasaqtalǵan komandanyń namysyn qorǵady. 1968-1973 jyldary «Los-Andjeles Leıkerstiń» jeıdesin kıdi. Eki ret UBQ chempıony atanyp, tórt ret eń qundy oıynshy dep tanyldy. «Juldyzdar matchynda» 13 márte óner kórsetti. Odan da basqa kóptegen tolaǵaı tabystarǵa qol jetkizdi. Ár kezdesý barysynda orta eseppen 40-50 upaıdy qorjynǵa salyp otyrdy. UBQ tarıyhyndaǵy eń úzdik surmergender tiziminde Chemberlen jetinshi orynda tur. Ýılttyń aldyn tek Lebron Djeıms, Karım-Abdýl Djabbar, Karl Meloýn, Kobı Braıant, Maıkl Djordan jáne Dırk Novıskı syndy attary ańyzǵa aınalǵan oıynshylar ǵana oraı aldy. UBQ jarystarynda keıipkerimiz barlyǵy 31 419 upaıdy enshiledi. Chemberlenniń kórsetkishi taıaý arada jańarýy ekitalaı. О́ıtkeni odan keıingi ýaqytta oıyn alańynda jasyndaı jarqyldaǵan talaı tanymal tulǵalardyń birde-bireýi onyń rekordyna mańaılaı da alǵan joq. Ýılttan keıingi eń jaqsy nátıje Kobı Braıantqa tıesili. 2006 jyldyń 22 qańtarynda «Toronto Reptorsqa» qarsy matchta «Los-Andjeles Leıkerstiń» serkesi óte tamasha oıyn órnegin kórsetip, mol oljaǵa keneldi. Biraq ataǵy jer jarǵan Braıanttyń ózi 81 upaılyq mejeden asa almady. Ýılt Chemberlen 1999 jyldyń 12 qazanynda 64 jasqa qaraǵan shaǵynda uzaq ýaqytqa sozylǵan aýyr naýqastan qaıtys boldy.
Sport • 28 Aqpan, 2022
Beıjińde ótken qysqy Olımpııa oıyndarynyń shaıbaly hokkeıshiler saıysynda Slovakııa quramasy óz tarıhynda tuńǵysh ret qola medal ıelengeni belgili. Kanadalyq maman Kreıg Edvard Remzı jetekshilik etken komandanyń sapynda Nur-Sultannyń «Barys» klýbynyń shabýylshysy Tomash Iýrcho da óner kórsetti. Al biz sol oıynshy jaıynda ne bilemiz?
Sport • 28 Aqpan, 2022
Bul kúnderi Túrkııanyń Ystanbul qalasynda kúres túrlerinen Iаshar Doǵý, Vehbı Emre jáne Hamıt Kaplan syndy dańqty balýandardy eske túsirýge arnalǵan halyqaralyq týrnır ótip jatyr. Atalǵan jarysta álemniń kóptegen memleketinen kelgen dúldúldermen qatar bizdiń eldiń órenderi de baq synaýda.
Sport • 25 Aqpan, 2022
Jyl saıyn Sankt-Peterbýrgte shymyldyǵy túriletin ATR týrnıri bıyl Nur-Sultanda ótedi. Bul aqparat kásipqoı tennısshiler qaýymdastyǵynyń resmı saıtynda jarııalandy.
Sport • 25 Aqpan, 2022
Qazaqstan Respýblıkasynyń Ulttyq Olımpıada komıteti (UOK) taıaýda ǵana Beıjińde aıaqtalǵan Aq Olımpıadaǵa daıarlanýǵa qansha qarajat jumsalǵanyn jarııa etti.
Sport • 25 Aqpan, 2022
Kásipqoı bokstan 25 naýryzda Almatydaǵy Balýan Sholaq atyndaǵy sport saraıynda jalaýy jelbireıtin jarystyń basty jekpe-jegi Qamshybek Qońqabaev pen Djonnı Mıýller arasynda ótedi.
